Interstate worker arrested with brown sugar in Thiruvalla

തിരുവല്ല ബസ്സ്റ്റാൻഡിൽ നിന്ന് ബ്രൗൺ ഷുഗറുമായി ഒരു ഇതര സംസ്ഥാന തൊഴിലാളി എക്സൈസിന്റെ പിടിയിലായി. ചൊവ്വാഴ്ച വൈകീട്ട് നാലു മണിയോടെ നടത്തിയ പരിശോധനയിലാണ് 32 കാരനായ ആസാം സ്വദേശി ചെയ്ബുർ റഹ്മാൻ പിടിയിലായത്. ശബരിമല തീർത്ഥാടനവുമായി ബന്ധപ്പെട്ട് എക്സൈസ് നടത്തിയ പരിശോധനയിൽ ഇയാളിൽ നിന്നും 700 മില്ലിഗ്രാം ബ്രൗൺഷുഗറും 15 ഗ്രാം കഞ്ചാവും കണ്ടെടുത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരുവല്ല അസിസ്റ്റന്റ് എക്സൈസ് ഇൻസ്പെക്ടർ നാസറിന്റെ നേതൃത്വത്തിലായിരുന്നു പരിശോധന നടത്തിയത്. കുറെ നാളായി തിരുവല്ല ഭാഗത്ത് ജോലി ചെയ്തു വരികയായിരുന്നു ഈ അസാം സ്വദേശി. അവധിക്കായി നാട്ടിൽ പോയി അവിടെ നിന്നും സംഘടിപ്പിച്ച മയക്കുമരുന്നുമായി ട്രെയിൻ മാർഗ്ഗം തിരുവല്ലയിൽ എത്തി ബസ്സിൽ കയറാൻ കാത്തുനിൽക്കെവെയാണ് എക്സൈസിന്റെ പിടിയിലാകുന്നത്.

നാർക്കോട്ടിക് നിയമപ്രകാരം ബ്രൗൺ ഷുഗറിന്റെ ഉപയോഗത്തിന് 20 വർഷം വരെ തടവു ശിക്ഷ ലഭിക്കാവുന്ന കുറ്റമാണ്. പരിശോധനയുടെ ഭാഗമായി റെയിൽവേ സ്റ്റേഷൻ അടക്കം അന്യസംസ്ഥാന തൊഴിലാളികൾ തമ്പടിക്കുന്ന വിവിധ സ്ഥലങ്ങൾ എക്സൈസിന്റെ നിരീക്ഷണത്തിൽ ആയിരുന്നു. ശബരിമല തീർത്ഥാടന കാലത്ത് മയക്കുമരുന്ന് വ്യാപനം തടയുന്നതിനായി എക്സൈസ് വകുപ്പ് കർശന നിരീക്ഷണം തുടരുകയാണ്.

തിരുവനന്തപുരത്ത് എൽഡിഎഫ് സ്ഥാനാർത്ഥിക്ക് ലഹരിസംഘത്തിൻ്റെ ആക്രമണം; നിരവധി പേർക്ക് പരിക്ക്

Story Highlights: Excise officials arrest interstate worker with brown sugar and ganja at Thiruvalla bus stand during Sabarimala pilgrimage season checks.

ശബരിമലയിൽ വൻ ഭക്തജന തിരക്ക്; 16 ദിവസം കൊണ്ട് ദർശനം നടത്തിയത് 13.36 ലക്ഷം പേർ