Instagram to Introduce 'Dislike' Button for Comments and 3-Minute Reels

ഇൻസ്റ്റാഗ്രാം ഉപയോക്താക്കൾക്ക് പുതിയ ഫീച്ചറുകൾ അവതരിപ്പിക്കാനുള്ള തയ്യാറെടുപ്പിലാണ്. കമന്റുകൾ ‘ഡിസ്ലൈക്ക്’ ചെയ്യാനുള്ള ഓപ്ഷൻ ഉൾപ്പെടെ നിരവധി പുതിയ സവിശേഷതകൾ ഉടൻ ലഭ്യമാകും. റെഡ്ഡിറ്റിലെ ഡൗൺവോട്ട് ബട്ടണിന് സമാനമായി പ്രവർത്തിക്കുന്ന ഈ ഫീച്ചർ, കമന്റ് വിഭാഗത്തിൽ ലൈക്ക് ഹാർട്ടിന് അടുത്തായി താഴേക്കുള്ള ആരോ അടയാളമായി പ്രത്യക്ഷപ്പെടും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൂന്ന് മിനിറ്റ് ദൈർഘ്യമുള്ള റീലുകളും ഇനി ഇൻസ്റ്റഗ്രാമിൽ പങ്കുവെക്കാൻ സാധിക്കും. യൂട്യൂബ് ഷോർട്സിൽ മൂന്ന് മിനിറ്റ് വീഡിയോ ഷെയർ ചെയ്യാൻ അനുവദിച്ചതിന്റെ പിന്നാലെയാണ് ഇൻസ്റ്റഗ്രാം ഈ ഫീച്ചർ അവതരിപ്പിക്കുന്നത്. പുതിയ ഫീച്ചറുകൾ എന്ന് പുറത്തിറക്കുമെന്നതിനെ കുറിച്ച് മാതൃ കമ്പനിയായ മെറ്റ ഔദ്യോഗിക വിശദാംശങ്ങളൊന്നും പുറത്തുവിട്ടിട്ടില്ല.

എന്നാൽ, നിരവധി ഉപയോക്താക്കൾ പുതിയ ഡിസ്ലൈക്ക് ബട്ടൺ സോഷ്യൽ മീഡിയയിൽ പങ്കുവെച്ചിട്ടുണ്ട്. പുതിയ വിഡിയോ എഡിറ്റിങ് ആപ്പ് പുറത്തിറക്കാനും ഇൻസ്റ്റാഗ്രാം പദ്ധതിയിടുന്നുണ്ട്. പൂർണമായും സൗജന്യമായി പ്രവർത്തിക്കുന്ന ഈ എഡിറ്റിംഗ് ആപ്പ് ഉപയോഗിച്ച് 10 മിനിറ്റ് വരെ ദൈർഘ്യമുള്ള വിഡിയോകൾ എഡിറ്റ് ചെയ്യാൻ സാധിക്കും.

കാപ്കട്ട് യുഎസിൽ ഓഫ്ലൈൻ സേവനം ആരംഭിച്ചതിനു പിന്നാലെയാണ് ഇൻസ്റ്റാഗ്രാം പുതിയ ആപ്പ് പ്രഖ്യാപിച്ചത്. മൂന്ന് മിനിറ്റ് ദൈർഘ്യമുള്ള റീലുകളും പുതിയ എഡിറ്റിംഗ് ആപ്പും ഉപയോക്തൃ അനുഭവം മെച്ചപ്പെടുത്തുമെന്ന് പ്രതീക്ഷിക്കുന്നു.

Story Highlights: Instagram is preparing to introduce new features for users, including the ability to ‘dislike’ comments and share three-minute Reels.

സിനിമയുടെ പേര് മാറ്റാൻ സെൻസർ ബോർഡ്; ട്രോളുമായി മന്ത്രി വി ശിവൻകുട്ടിയും ലിജോ ജോസ് പെല്ലിശ്ശേരിയും