Instagram fraud: Man arrested for cheating married women in Kerala

ഇൻസ്റ്റഗ്രാമിലൂടെ വിവാഹിതരായ യുവതികളെ വശീകരിച്ച് പണവും സ്വർണവും തട്ടിയെടുക്കുന്ന പ്രതി പിടിയിലായി. തിരുവനന്തപുരം പോത്തൻകോട് അണ്ടൂർകോണം സ്വദേശിയായ നൗഫൽ എന്ന് വിളിക്കുന്ന മിഥുൻഷായെയാണ് അഞ്ചൽ പൊലീസ് അറസ്റ്റ് ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആർമി ഉദ്യോഗസ്ഥനാണെന്ന് തെറ്റിദ്ധരിപ്പിക്കാനായി ആർമി എന്ന പേരിൽ ഇൻസ്റ്റഗ്രാമിൽ വ്യാജ അക്കൗണ്ട് തയാറാക്കിയാണ് മിഥുൻഷാ സ്ത്രീകളെ വശീകരിച്ചിരുന്നത്. കൊല്ലം അഞ്ചൽ സ്വദേശിനിയായ യുവതിക്ക് മൂന്നരലക്ഷത്തിലധികം രൂപയും സ്വർണാഭരണങ്ങളും നഷ്ടമായിരുന്നു.

അഞ്ചൽ പൊലീസ് സ്റ്റേഷൻ പരിധിയിൽ താമസിക്കുന്ന വിവാഹിതയായ യുവതിയിൽ നിന്ന് മൂന്നു ലക്ഷത്തി എൺപതിനായിരം രൂപയും നാലുപവൻ സ്വർണാഭരണങ്ങളുമാണ് മിഥുൻഷാ കൈക്കലാക്കിയത്. ഭാര്യയും മൂന്ന് കുട്ടികളും ഉള്ള മിഥുൻഷായ്ക്കെതിരെ ഒരു വീട്ടിൽ മോഷണം നടത്തിയതിന് ചിതറ പൊലീസ് സ്റ്റേഷനിൽ കേസുണ്ടെന്ന് പൊലീസ് പറഞ്ഞു.

ഒന്നര വർഷം മുമ്പ് അഞ്ചലിൽ വിവാഹിതയായ മറ്റൊരു സ്ത്രീയെയും സൗഹൃദം നടിച്ചു ഒരു മാസത്തോളം ഒപ്പം താമസിപ്പിച്ച് പണവും സ്വർണാഭരണങ്ങളും തട്ടിയെടുത്തതിന് മിഥുൻഷായ്ക്കെതിരെ കേസുണ്ട്. വിവാഹിതരായ നിരവധി സ്ത്രീകളെ മിഥുൻഷാ തട്ടിപ്പിനിരയാക്കിയെന്നാണ് വിവരം.

ഓപ്പറേഷൻ ഡി-ഹണ്ട്: 69 പേർ അറസ്റ്റിൽ

ഇത്തരം തട്ടിപ്പുകൾക്കെതിരെ ജനങ്ങൾ ജാഗ്രത പുലർത്തേണ്ടതുണ്ട്.

Story Highlights: Man arrested for defrauding married women through Instagram by posing as army officer

ഓപ്പറേഷൻ ഡി-ഹണ്ട്: 69 പേർ അറസ്റ്റിൽ