കാനഡയിലെ വിദ്യാഭ്യാസ സ്ഥാപനങ്ങളിൽ പ്രവേശനം നേടിയ ശേഷം ഹാജരാകാത്ത വിദ്യാർത്ഥികളുടെ എണ്ണം ഏറിവരുന്നതായി റിപ്പോർട്ടുകൾ. ഇമ്മിഗ്രേഷൻ റെഫ്യുജീസ് ആൻഡ് സിറ്റിസൺഷിപ്പ് കാനഡ 2024 റിപ്പോർട്ട് പ്രകാരം, വിദേശത്ത് നിന്നെത്തിയ ഏകദേശം 50,000 വിദ്യാർത്ഥികളെയാണ് ഇങ്ങനെ കാണാതായിട്ടുള്ളത്. ഇതിൽ 20,000 ത്തോളം പേർ ഇന്ത്യയിൽ നിന്നുള്ളവരാണ്. ഇന്ത്യയിൽ നിന്നുള്ള വിദ്യാർത്ഥികളുടെ 5.
4 ശതമാനം പേർ കോളേജുകളിൽ എത്തിയിട്ടില്ലെന്നാണ് കണക്ക്. ലോകത്തിലെ 144 രാജ്യങ്ങളിൽ നിന്നുള്ള വിദ്യാർത്ഥികളാണ് ഇത്തരത്തിൽ കാനഡയിലെത്തിയ ശേഷം അപ്രത്യക്ഷമാകുന്നത്. ഫിലിപ്പീൻസിൽ നിന്നുള്ള 688 പേരും ചൈനയിൽ നിന്നുള്ള 4279 പേരും അഡ്മിഷൻ എടുത്ത വിദ്യാഭ്യാസ സ്ഥാപനങ്ങളിൽ എത്തിയിട്ടില്ല. ഇന്റർനാഷണൽ സ്റ്റുഡന്റ് കംപ്ലയൻസ് റെജിമിന് കീഴിൽ ശേഖരിച്ച വിവരങ്ങളാണ് ഇവ.
കാനഡയിലെ നിയമമനുസരിച്ച്, വിദേശ വിദ്യാർത്ഥികൾ സ്റ്റഡി പെർമിറ്റ് ചട്ടങ്ങൾ പാലിക്കുന്നുണ്ടെന്ന് ഉറപ്പാക്കാൻ വിദ്യാഭ്യാസ സ്ഥാപനങ്ങൾ വർഷത്തിൽ രണ്ടുതവണ എൻറോൾമെന്റിനെക്കുറിച്ച് റിപ്പോർട്ട് ചെയ്യേണ്ടതുണ്ട്. സ്റ്റഡി പെർമിറ്റ് വിസ ചട്ടങ്ങൾ ലംഘിച്ച് കാനഡയിൽ അനധികൃതമായി തങ്ങുന്നവർക്കെതിരെ കർശന നടപടികൾ സ്വീകരിക്കുമെന്ന് എൻഫോഴ്സ്മെന്റ് വിഭാഗം വ്യക്തമാക്കി. പിടിയിലാകുന്നവരുടെ വിസ ആജീവനാന്തം റദ്ദാക്കുകയും നാടുകടത്തുകയും ചെയ്യും. ഭാവിയിൽ കാനഡയിലേക്ക് പ്രവേശിക്കുന്നതിൽ നിന്നും ഇവരെ വിലക്കും.
കാനഡയിലെത്തിയ ശേഷം യുഎസിലേക്ക് അനധികൃതമായി കടക്കുന്നതാണ് പല വിദ്യാർത്ഥികളുടെയും ലക്ഷ്യമെന്നും റിപ്പോർട്ടുകളുണ്ട്. അമേരിക്ക – കാനഡ അതിർത്തി വഴി യുഎസിലേക്ക് അനധികൃത കുടിയേറ്റം നടക്കുന്നതായി ഏറെക്കാലമായി റിപ്പോർട്ടുകളുണ്ട്. സ്റ്റഡി പെർമിറ്റ് ഉപയോഗിച്ച് കാനഡയിലെത്തിയ ശേഷം അവിടെ നിന്ന് അമേരിക്കയിലേക്ക് കടക്കുന്നതാണ് രീതി. ഇന്ത്യയിൽ നിന്നുള്ള നിരവധി പേർ ഇത്തരത്തിൽ അമേരിക്കയിലേക്ക് കടന്നിട്ടുണ്ടെന്നാണ് വിവരം.
ഇന്ത്യക്കാരെ അമേരിക്കയിലേക്ക് കടക്കാൻ സഹായിക്കുന്ന തരത്തിൽ കാനഡയിലെ വിദ്യാഭ്യാസ സ്ഥാപനങ്ങളും ഇന്ത്യയിലെ ഏജൻസികളും പരസ്പര സഹകരണത്തോടെ പ്രവർത്തിക്കുന്നുണ്ടോയെന്ന് എൻഫോഴ്സ്മെന്റ് വിഭാഗം അന്വേഷിക്കുന്നുണ്ട്.
Story Highlights: Around 20,000 Indian students who obtained study permits for Canada failed to arrive at their designated educational institutions.
ടെക്സസിലെ എൽ പാസോ കൗണ്ടിയിൽ മോഷണക്കേസിൽ രണ്ട് ഇന്ത്യൻ വിദ്യാർത്ഥികളെ അറസ്റ്റ് ചെയ്തു. Read more
കാനഡയിലെ ഫെഡറൽ തെരഞ്ഞെടുപ്പിൽ ലിബറൽ പാർട്ടി വിജയിച്ചു. മാർക്ക് കാർണി പ്രധാനമന്ത്രിയായി തുടരും. Read more
കാനഡയിലെ വാൻകൂവറിൽ കാർ ആൾക്കൂട്ടത്തിലേക്ക് ഇടിച്ചുകയറി ഒൻപത് പേർ മരിച്ചു. മുപ്പത് വയസ്സുള്ള Read more
കാനഡയിൽ കാണാതായ മലയാളി ഫിന്റോ ആൻറണിയെ മരിച്ച നിലയിൽ കണ്ടെത്തി. കാറിനുള്ളിൽ ആണ് Read more
കാനഡയിലെ റോക്ക്ലാൻഡിൽ ശനിയാഴ്ച രാവിലെ ഇന്ത്യൻ പൗരൻ കുത്തേറ്റു മരിച്ചു. സംഭവത്തിൽ ഒരാളെ Read more
ടൊറന്റോയിലെ ശ്രീകൃഷ്ണ വൃന്ദാവന ക്ഷേത്രത്തിന് നേരെ ആക്രമണം. രണ്ട് യുവാക്കളാണ് ആക്രമണത്തിന് പിന്നിലെന്ന് Read more
അമേരിക്കയിലെ പ്രശ്നങ്ങളും വിസ നിരസിക്കുന്നതിന്റെ തോത് വർധിച്ചതും ഇന്ത്യൻ വിദ്യാർത്ഥികളെ യൂറോപ്യൻ രാജ്യങ്ങളിലേക്കും Read more
കാനഡയിൽ ഏപ്രിൽ 28ന് പൊതുതിരഞ്ഞെടുപ്പ് നടക്കുമെന്ന് പ്രധാനമന്ത്രി മാർക്ക് കാർണി പ്രഖ്യാപിച്ചു. ജസ്റ്റിൻ Read more
കാനഡയുടെ 24-ാമത് പ്രധാനമന്ത്രിയായി മാർക് കാർണി അധികാരമേറ്റു. ഒക്ടോബർ 20 ന് നടക്കുന്ന Read more
ജസ്റ്റിൻ ട്രൂഡോയ്ക്ക് പകരമായി മാർക്ക് കാർണി കാനഡയുടെ പുതിയ പ്രധാനമന്ത്രിയായി. ഒക്ടോബർ 20ന് Read more
