കൊച്ചി◾: കാനഡയിൽ പരിശീലന പറക്കലിനിടെ വിമാനങ്ങൾ കൂട്ടിയിടിച്ച് മരിച്ച തൃപ്പൂണിത്തുറ സ്വദേശി ശ്രീഹരി സുകേഷിന്റെ മൃതദേഹം എത്രയും പെട്ടെന്ന് നാട്ടിലെത്തിക്കാനുള്ള ശ്രമങ്ങൾ നടക്കുന്നുണ്ടെന്ന് സംസ്ഥാന സർക്കാരിന്റെ ഡൽഹിയിലെ പ്രത്യേക പ്രതിനിധി പ്രൊഫ. കെ.വി. തോമസ് അറിയിച്ചു. ഇതിനായുള്ള അപേക്ഷകൾ നൽകിയിട്ടുണ്ട്. ടൊറന്റോയിലുള്ള ഇന്ത്യൻ കോൺസുലേറ്റ് ജനറൽ ഗിരീഷ് ജുനേജ കെ.വി. തോമസിനെ ഈ വിവരം അറിയിച്ചു.
ശ്രീഹരി സുകേഷിന്റെ മൃതദേഹം ജൂലൈ 11-ന് വിന്നിപെഗിലെ ഫ്യൂണറൽ ഹോമിലേക്ക് മാറ്റിയിട്ടുണ്ട്. അപകടത്തിൽപ്പെട്ട മറ്റൊരാൾ കാനഡയിൽ നിന്നുള്ള 20 വയസ്സുള്ള മെയ് റോയ്സ് ആയിരുന്നു. ജൂലൈ 8-ന് കാനഡയിലെ മാനിറ്റോബ പ്രവിശ്യയിൽ ആയിരുന്നു ഈ ദാരുണമായ അപകടം നടന്നത്.
മരണ സർട്ടിഫിക്കറ്റിനും മറ്റ് ആവശ്യമായ രേഖകൾക്കും വേണ്ടി ബന്ധപ്പെട്ട അധികാരികൾക്ക് അപേക്ഷ നൽകിയിട്ടുണ്ട്. രേഖകൾ ലഭ്യമാകുന്ന മുറയ്ക്ക് മൃതദേഹം വിന്നിപെഗിൽ നിന്ന് ടൊറന്റോയിലേക്ക് വിമാനമാർഗ്ഗം കൊണ്ടുപോകും. തുടർന്ന് ടൊറന്റോയിൽ നിന്ന് കേരളത്തിലേക്ക് മൃതദേഹം എത്രയും വേഗം എത്തിക്കുന്നതിനുള്ള നടപടികൾ ആരംഭിച്ചിട്ടുണ്ട്.
രേഖകൾ കിട്ടിയാലുടൻ മൃതദേഹം ടൊറന്റോയിലേക്ക് മാറ്റും. ടൊറന്റോയിലെ ഫ്യൂണറൽ ഹോമിൽ നിന്നുള്ള രേഖകളും എത്രയും വേഗം ശരിയാക്കുന്നതിനുള്ള നടപടികൾ ആരംഭിച്ചിട്ടുണ്ടെന്നും കോൺസുലേറ്റ് ജനറൽ അറിയിച്ചു. ഇതിലൂടെ എത്രയും പെട്ടെന്ന് തന്നെ അദ്ദേഹത്തിന്റെ ഭൗതിക ശരീരം നാട്ടിലെത്തിക്കാൻ സാധിക്കുമെന്നും കരുതുന്നു.
അദ്ദേഹം അവസാനമായി നാട്ടിലേക്ക് വന്നത് 2024 നവംബറിലായിരുന്നു. 2025 ഫെബ്രുവരി ആദ്യവാരത്തിലാണ് ശ്രീഹരി കാനഡയിലേക്ക് തിരിച്ചുപോയത്. അതിനു ശേഷംണ്ടായ അപകടത്തിൽ അദ്ദേഹത്തിന്റെ ജീവൻ നഷ്ട്ടപ്പെട്ടു.
സംസ്ഥാന സർക്കാർ എല്ലാ സഹായവും നൽകുന്നുണ്ടെന്നും പ്രൊഫ. കെ.വി. തോമസ് അറിയിച്ചു. ഈ ദുഃഖത്തിൽ പങ്കുചേരുന്നതായും അദ്ദേഹം പറഞ്ഞു. എത്രയും പെട്ടെന്ന് തന്നെ അദ്ദേഹത്തിന്റെ ഭൗതിക ശരീരം നാട്ടിലെത്തിക്കാനുള്ള എല്ലാവിധ സഹായവും സർക്കാർ ചെയ്യുമെന്നും അദ്ദേഹം കൂട്ടിച്ചേർത്തു.
Story Highlights: കാനഡയിൽ പരിശീലന പറക്കലിനിടെ വിമാനങ്ങൾ കൂട്ടിയിടിച്ച് മരിച്ച ശ്രീഹരി സുകേഷിന്റെ മൃതദേഹം ഉടൻ നാട്ടിലെത്തിക്കാൻ നടപടികൾ സ്വീകരിക്കുന്നു എന്ന് കെ.വി തോമസ്.
ചെന്നൈയിൽ വ്യോമസേനയുടെ പരിശീലന വിമാനം തകർന്നു വീണു. താംബരത്തിന് സമീപം ഉച്ചയ്ക്ക് 2 Read more
അഹമ്മദാബാദ് വിമാന അപകടത്തിൽ പൈലറ്റുമാരെ കുറ്റപ്പെടുത്താൻ കഴിയില്ലെന്ന് സുപ്രീംകോടതി വ്യക്തമാക്കി. എയർ ആക്സിഡന്റ് Read more
കാനഡയിൽ കാറിൽ മൂത്രമൊഴിച്ചതിനെ ചോദ്യം ചെയ്ത ഇന്ത്യൻ വംശജനായ അർവി സിങ് സാഗു Read more
പ്രമുഖ കൊമേഡിയൻ കപിൽ ശർമ്മയുടെ ഉടമസ്ഥതയിലുള്ള കാനഡയിലെ റെസ്റ്റോറന്റിന് നേരെ വീണ്ടും വെടിവെപ്പ്. Read more
കാനഡയിലെ ലോറൻസ് ബിഷ്ണോയി ഗുണ്ടാ സംഘത്തിനെതിരെ കാനഡയുടെ നടപടി. ബിഷ്ണോയി സംഘത്തെ കാനഡയുടെ Read more
കാനഡയിലെ പുതിയ ഇന്ത്യൻ ഹൈക്കമ്മീഷണറായി ദിനേശ് കെ. പട്നായിക് ഉടൻ ചുമതലയേൽക്കും. സ്പെയിനിലെ Read more
കാനഡയിലേക്കുള്ള പുതിയ ഇന്ത്യൻ ഹൈക്കമ്മീഷണറായി ദിനേശ് കെ. പട്നായിക്കിനെ നിയമിച്ചു. 1990 ബാച്ചിലെ Read more
കാനഡയിൽ ചെറുവിമാനം തകർന്ന് മലയാളി യുവാവിന് ദാരുണാന്ത്യം. തിരുവനന്തപുരം സ്വദേശിയായ ഗൗതം സന്തോഷ്(27)ആണ് Read more
അഹമ്മദാബാദ് വിമാന അപകടത്തിൽ മരിച്ച 229 പേരിൽ 147 പേരുടെ കുടുംബങ്ങൾക്ക് 25 Read more
കാനഡയിൽ വിമാന അപകടത്തിൽ മരിച്ച മലയാളി യുവാവ് ശ്രീഹരി സുകേഷിന്റെ മൃതദേഹം നാട്ടിലെത്തിച്ചു. Read more
