50+ Indian Flights Face Bomb Threats in 24 Hours, Security Tightened

രാജ്യത്തെ വിമാനങ്ങൾക്ക് ബോംബ് ഭീഷണി തുടരുന്നു. കഴിഞ്ഞ 24 മണിക്കൂറിൽ 50 ലേറെ വിമാനങ്ങൾക്കാണ് ഭീഷണി ലഭിച്ചത്. ഒരാഴ്ചയ്ക്കിടെ 180 ഓളം വിമാനങ്ങൾക്ക് ഭീഷണി ഉണ്ടായി. ഇതിൽ 13 വീതം ഇൻഡിഗോയുടെയും എയർ ഇന്ത്യയുടെയും വിമാനങ്ങൾ ഉൾപ്പെടുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സമൂഹ മാധ്യമങ്ങളിലൂടെയാണ് ഈ ഭീഷണികൾ ലഭിച്ചത്. 9 ദിവസത്തിനുള്ളിൽ വിമാനക്കമ്പനികൾക്ക് 600 കോടി രൂപയിലേറെ നഷ്ടമുണ്ടായതായി റിപ്പോർട്ടുകൾ സൂചിപ്പിക്കുന്നു. ഭീഷണി സന്ദേശങ്ങൾ അയക്കുന്ന രീതിയിൽ മാറ്റം വന്നതായി അന്വേഷണ ഏജൻസികൾ വ്യക്തമാക്കി. മുമ്പ് ഒരേ ഹാൻഡിലിൽ നിന്ന് ഒന്നിലധികം എയർലൈനുകൾക്ക് ഭീഷണികൾ ലഭിച്ചിരുന്നെങ്കിൽ, ഇപ്പോൾ വ്യത്യസ്ത ഹാൻഡിലുകളിൽ നിന്നാണ് അവ വരുന്നത്.

ഈ ഭീഷണികൾ ആസൂത്രിതമാണെന്നാണ് പ്രാഥമിക നിഗമനം. സാമ്പത്തിക താൽപര്യം ഉണ്ടോ എന്നതും അന്വേഷണ വിധേയമാക്കും. വിമാനത്താവളങ്ങളിലെ സുരക്ഷാ സംവിധാനങ്ങൾ കൂടുതൽ ശക്തമാക്കാൻ നിർദേശം നൽകിയിട്ടുണ്ട്. ബോഡി സ്കാനറുകൾ സ്ഥാപിക്കാനുള്ള നടപടികളും ആരംഭിച്ചു.

വ്യാജ സന്ദേശങ്ങൾ അയക്കുന്നവർക്ക് യാത്രാ വിലക്ക് ഏർപ്പെടുത്തുമെന്നും നിയമ ഭേദഗതി പരിഗണനയിലുണ്ടെന്നും മന്ത്രാലയം അറിയിച്ചു. വിമാനങ്ങൾക്ക് പുറമേ, ഡൽഹിയിലെ സിആർപിഎഫ് സ്കൂളുകൾക്കും വ്യാജ ബോംബ് ഭീഷണി ലഭിച്ചു. ഇമെയിൽ വഴി ലഭിച്ച ഈ ഭീഷണി സന്ദേശം അന്വേഷണത്തിൽ വ്യാജമാണെന്ന് കണ്ടെത്തി. ഡൽഹി രോഹിണിയിലെ സിആർപിഎഫ് സ്കൂൾ മതിലിന് സമീപം സ്ഫോടനം നടന്നതിന് പിന്നാലെയാണ് ഡൽഹിയിലെയും ഹൈദരാബാദിലെയും കൂടുതൽ സിആർപിഎഫ് സ്കൂളുകൾക്ക് ഭീഷണി സന്ദേശങ്ങൾ ലഭിച്ചത്.

തിരുവനന്തപുരത്ത് ലഹരിമരുന്ന് വേട്ട; നാലുപേർ അറസ്റ്റിൽ; ആലപ്പുഴയിൽ രണ്ട് കോടിയുടെ കഞ്ചാവ് പിടിച്ചെടുത്തു

Story Highlights: Over 50 flights in India received bomb threats in the last 24 hours, causing significant disruption and financial losses.

കൊച്ചിയിൽ എയർ ഇന്ത്യ എക്സ്പ്രസ് വിമാനത്തിന് ബോംബ് ഭീഷണി; അന്വേഷണം തുടരുന്നു