India's TB control success: WHO praises 18% reduction in cases

ക്ഷയരോഗത്തെ പ്രതിരോധിക്കാൻ ഇന്ത്യ നടത്തിയ ശ്രമങ്ങൾക്ക് ലോകാരോഗ്യ സംഘടനയുടെ പ്രശംസ ലഭിച്ചു. 2015 മുതൽ 2023 വരെയുള്ള കാലയളവിൽ ഇന്ത്യയിൽ ക്ഷയരോഗബാധ 18 ശതമാനം കുറയ്ക്കാനിടയാക്കിയ നടപടികൾക്കാണ് ഡബ്ല്യു എച്ച് ഒ-യുടെ അഭിനന്ദനം. ആഗോള തലത്തിൽ ഇക്കാലയളവിൽ ക്ഷയരോഗബാധ എട്ടു ശതമാനം മാത്രമേ കുറയ്ക്കാനായിട്ടുള്ളു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ത്യയുടെ വികേന്ദ്രീകൃത ആരോഗ്യപരിപാലന സംവിധാനവും ടി ബി പ്രോഗ്രാമിനായി വലിയൊരു തുക വകയിരുത്തിയതുമാണ് ക്ഷയരോഗബാധയിൽ കുറവു വരുത്താൻ ഇടയാക്കിയതെന്ന് ഡബ്ല്യു എച്ച് ഒ പറയുന്നു. പുതിയ ചികിത്സാരീതികളും കൃത്രിമബുദ്ധി ഉപയോഗപ്പെടുത്തുന്ന രോഗനിർണയസംവിധാനങ്ങളും ക്ഷയരോഗത്തെ പ്രതിരോധിക്കുന്ന കാര്യത്തിൽ ഇന്ത്യ ഉപയോഗപ്പെടുത്തിയിരുന്നു.

2015-ൽ 640 കോടി രൂപയായിരുന്നു സർക്കാരിന്റെ ക്ഷയരോഗ ബജറ്റെങ്കിൽ 2022-23 കാലയളവിൽ 3400 കോടിയായി അത് വർധിപ്പിച്ചിരുന്നു. 2015-ൽ ഒരു ലക്ഷം പേരിൽ 237 പേർക്കാണ് ഇന്ത്യയിൽ ക്ഷയരോഗം ഉണ്ടായിരുന്നതെങ്കിൽ 2023-ൽ അത് ഒരു ലക്ഷത്തിൽ 195 പേരായി മാറിയിരിക്കുന്നു.

മൊത്തം 19 ലക്ഷം ക്ഷയരോഗബാധിതരാണ് ഇന്ത്യയിലുള്ളത്. രാജ്യത്തെ 1. 7 ലക്ഷത്തിലധികം വരുന്ന ആയുഷ്മാൻ ആരോഗ്യമന്ദിറുകളിലൂടെ ക്ഷയരോഗ നിർണയം സാധ്യമാക്കിയതാണ് ഈ നേട്ടത്തിന് ആധാരമായതെന്നാണ് ആരോഗ്യമന്ത്രാലയം പറയുന്നത്. ക്ഷയരോഗബാധിതരുടെ മരണനിരക്കിൽ 21 ശതമാനം കുറവും രേഖപ്പെടുത്തി.

കിഡ്നി മാറ്റിവയ്ക്കൽ ശസ്ത്രക്രിയക്ക് ശേഷം അബ്ദുൽ നാസർ മഅ്ദനി ആശുപത്രി വിട്ടു

കഴിഞ്ഞ സെപ്തംബറിൽ മൾട്ടിഡ്രഗ് റസിസ്റ്റന്റ് ക്ഷയരോഗത്തെ പ്രതിരോധിക്കാൻ ദേശീയ ക്ഷയരോഗ നിർമ്മാർജന പദ്ധതിയ്ക്കു കീഴിൽ ബി പി എ എൽ എം എന്ന പുതിയൊരു ചികിത്സാരീതിയ്ക്കും സർക്കാർ അനുമതി നൽകിയിട്ടുണ്ട്.

Story Highlights: WHO praises India for reducing tuberculosis cases by 18% from 2015 to 2023

പ്രതിരോധ കയറ്റുമതിയിൽ ഇന്ത്യ റെക്കോർഡ് നേട്ടം