Suspected Monkeypox Case in India: Youth Under Observation

മങ്കിപോക്സ് ലക്ഷണങ്ങൾ സംശയിക്കുന്ന ഒരു യുവാവിനെ ഇന്ത്യയിൽ നിരീക്ഷണത്തിലാക്കിയിരിക്കുകയാണ്. വിദേശത്തു നിന്നും എത്തിയ ഇദ്ദേഹത്തിന്റെ ആരോഗ്യനില തൃപ്തികരമാണെന്ന് റിപ്പോർട്ടുകൾ സൂചിപ്പിക്കുന്നു. കൂടുതൽ നിരീക്ഷണത്തിനായി യുവാവിനെ ഐസൊലേഷനിൽ പ്രവേശിപ്പിച്ചിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മങ്കിപോക്സ് വ്യാപനം സ്ഥിരീകരിച്ചിട്ടുള്ള രാജ്യത്ത് നിന്നാണ് ഇദ്ദേഹം ഇന്ത്യയിലെത്തിയത്. രാജ്യത്തെ വിമാനത്താവളങ്ങളിൽ അടക്കം ജാഗ്രത കർശനമാക്കിയിരിക്കുകയാണ്. രോഗലക്ഷണങ്ങൾ ഉള്ളവരെ കർശന നിരീക്ഷണത്തിൽ പ്രവേശിപ്പിക്കാനാണ് തീരുമാനം.

ആരോഗ്യമന്ത്രാലയത്തിലെ ഉന്നത ഉദ്യോഗസ്ഥർ യോഗം ചേർന്ന് കൂടുതൽ നടപടികൾ തീരുമാനിക്കും. യുവാവിന്റെ സാംപിൾ പരിശോധനയ്ക്ക് അയച്ചിട്ടുണ്ട്. സമ്പർക്കപ്പട്ടിക പരിശോധിച്ചു വരികയാണെന്നും ആരോഗ്യമന്ത്രാലയം അറിയിച്ചു.

സാംപിൾ പരിശോധനാ ഫലം ലഭിച്ചാലേ മങ്കിപോക്സ് സ്ഥിരീകരിക്കാനാകൂ. മൃഗങ്ങളിൽ നിന്ന് മനുഷ്യരിലേക്ക് വൈറസ് വഴി പകരുന്ന രോഗമാണ് മങ്കിപോക്സ് അഥവാ വാനരവസൂരി. തീവ്രത കുറവാണെങ്കിലും വസൂരിയുടെ ലക്ഷണങ്ങളുമായി സാദൃശ്യമുണ്ട്.

പ്രധാനമായും മധ്യ, പടിഞ്ഞാറൻ ആഫ്രിക്കയിലാണ് ഈ രോഗം കാണപ്പെടുന്നത്. 1958-ൽ കുരങ്ങുകളിലും 1970-ൽ മനുഷ്യരിലും ആദ്യമായി രോഗം സ്ഥിരീകരിച്ചു. ഡെമോക്രാറ്റിക് റിപ്പബ്ലിക് ഓഫ് കോംഗോയിലെ 9 വയസുള്ള ആൺകുട്ടിയിലാണ് മനുഷ്യരിൽ വാനരവസൂരി ആദ്യമായി കണ്ടെത്തിയത്.

Story Highlights: India reports suspected Mpox case, patient’s condition stable

ദക്ഷിണാഫ്രിക്കയ്ക്കെതിരെ ഇന്ത്യക്ക് തകർപ്പൻ ജയം; പരമ്പര സ്വന്തമാക്കി