India Forms Panel to Monitor Bangladesh Border Amid Violence Against Minorities

കേന്ദ്രസർക്കാർ ബംഗ്ലാദേശ്-ഇന്ത്യ അതിർത്തി സ്ഥിതി നിരീക്ഷിക്കാൻ ഉന്നതതല സമിതിയെ നിയോഗിച്ചിരിക്കുന്നു. ബംഗ്ലാദേശിലെ സംഘർഷാവസ്ഥ കാരണം അവിടുത്തെ ഇന്ത്യക്കാരുടെ സുരക്ഷയും മതന്യൂനപക്ഷങ്ങളുടെ സംരക്ഷണവും ഉറപ്പുവരുത്തുന്നതിനാണ് ഈ നടപടി. ഇരുരാജ്യങ്ങളുടെയും അതിർത്തി മേഖലയിലെ സുരക്ഷാസ്ഥിതിയും സമിതി വിലയിരുത്തും. ബംഗ്ലാദേശിൽ ഹിന്ദുക്കൾക്കെതിരായ ആക്രമണങ്ങൾ വർധിച്ചതിനെ തുടർന്നാണ് കേന്ദ്രസർക്കാരിന്റെ ഇടപെടൽ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആക്രമണം ഭയന്ന് പലരും വ്യാജരേഖകൾ ഉപയോഗിച്ച് ഇന്ത്യയിലേക്ക് കടക്കാൻ ശ്രമിക്കുന്നുണ്ട്. ബംഗ്ലാദേശ് ഭരണകൂടവുമായി സമിതി നിരന്തരം ബന്ധപ്പെടുന്നുണ്ട്. ബി. എസ്.

എഫ് ഈസ്റ്റേൺ കമാൻഡിന്റെ അസിസ്റ്റന്റ് ഡയറക്ടർ ജനറലാണ് സമിതിയുടെ അധ്യക്ഷൻ. നോബേൽ സമ്മാനജേതാവ് മുഹമ്മദ് യൂനുസ് ബംഗ്ലാദേശിലെ ഇടക്കാല ഭരണസമിതിയുടെ നേതൃത്വം ഏറ്റെടുത്തിട്ടുണ്ട്. പ്രതിഷേധം ഭയന്ന് രാജ്യം വിട്ട മുൻ പ്രധാനമന്ത്രി ഷെയ്ഖ് ഹസീന ഇപ്പോഴും ദില്ലിയിൽ തുടരുകയാണ്. പ്രതിഷേധത്തിന് പിന്നാലെ അക്രമാസക്തരായ യുവാക്കൾ ബംഗ്ലാദേശിലെ ഹിന്ദുക്കളെയും ക്ഷേത്രങ്ങളെയും ഷെയ്ഖ് ഹസീനയുടെ പാർട്ടിയായ അവാമി ലീഗിന്റെ നേതാക്കളെയും പ്രവർത്തകരെയും ആക്രമിച്ചിരുന്നു.

വീടുകളും ക്ഷേത്രങ്ങളും അഗ്നിക്കിരയാക്കുകയും നിരവധിപേരെ കൊലപ്പെടുത്തുകയും സ്ത്രീകളെ അതിക്രൂരമായി ആക്രമിക്കുകയും ചെയ്തു. സംഭവത്തിൽ ഐക്യരാഷ്ട്രസഭ വലിയ ഉത്കണ്ഠ പ്രകടിപ്പിച്ചിട്ടുണ്ട്. അധികാരമേറ്റ ശേഷം മുഹമ്മദ് യൂനുസ് സമാധാനം പാലിക്കാൻ ആഹ്വാനം ചെയ്തിരുന്നു. അക്രമത്തിന് നേതൃത്വം നൽകുന്നവർക്കെതിരെ ശക്തമായ നടപടി സ്വീകരിക്കുമെന്നും അദ്ദേഹം പറഞ്ഞു.

ഐബി ഉദ്യോഗസ്ഥയുടെ മരണം: സുഹൃത്തിനെതിരെ ലുക്ക്ഔട്ട് നോട്ടീസ്

Story Highlights: India deploys high-level panel to monitor Bangladesh border situation amid violence against minorities. Image Credit: twentyfournews

പ്രതിരോധ കയറ്റുമതിയിൽ ഇന്ത്യ റെക്കോർഡ് നേട്ടം