India clinches second consecutive Olympic hockey bronze in Paris 2024

പാരിസ് ഒളിംപിക്സിൽ ഇന്ത്യൻ ഹോക്കി ടീമിന് വീണ്ടും വെങ്കലം നേടാൻ കഴിഞ്ഞു. സ്പെയിനെതിരായ മത്സരത്തിൽ ഒന്നിനെതിരെ രണ്ട് ഗോളുകൾക്കാണ് ഇന്ത്യ വിജയം സ്വന്തമാക്കിയത്. ക്യാപ്റ്റൻ ഹർമൻപ്രീത് സിങ്ങിന്റെ ഇരട്ടഗോളുകളാണ് ഇന്ത്യയെ ചരിത്രവിജയത്തിലേക്ക് നയിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ടോക്കിയോ ഒളിംപിക്സിലെ മെഡൽ നേട്ടത്തിന് പിന്നാലെ പാരിസിലും ടീം ഇന്ത്യ വിജയവേട്ട തുടർന്നു. മലയാളിക്കാരായ പി. ആർ.

ശ്രീജേഷാണ് ഇന്ത്യൻ ടീമിന്റെ ഗോൾവല കാത്തത്. ഒളിംപിക്സിന് മുമ്പ് വിരമിക്കൽ പ്രഖ്യാപിച്ച ശ്രീജേഷിന് വീരോചിതമായ മടക്കമാണുണ്ടായിരിക്കുന്നത്. ഒളിംപിക്സിൽ രണ്ട് മെഡൽ നേടുന്ന ആദ്യ മലയാളിയായി ശ്രീജേഷ് മാറുകയും ചെയ്തു.

ഇന്ത്യ സ്വന്തമാക്കിയത് ഒളിംപിക്സ് ഹോക്കിയിലെ പതിമൂന്നാമത്തെ മെഡലാണ്. ശ്രീജേഷിന്റെ സേവുകളാണ് മത്സരത്തിൽ നിർണായകമായത്. ജർമനിയുമായുള്ള മത്സരത്തിലെ പരാജയത്തിന് ശേഷമാണ് ഇന്ത്യ ശക്തമായ തിരിച്ചുവരവ് നടത്തിയത്.

തുടർച്ചയായ മെഡൽ നേട്ടത്തിൽ ടീം ഇന്ത്യയെ പ്രധാനമന്ത്രി നരേന്ദ്രമോദി അഭിനന്ദിച്ചു. തലമുറകൾ ഓർത്തുവയ്ക്കുന്ന വിജയമാണിതെന്നും കഴിവിന്റെ വിജയമാണിതെന്നും അദ്ദേഹം പറഞ്ഞു. ശ്രീജേഷിന് മെഡലോടെ വിരമിക്കാനായതിൽ അതീവ സന്തോഷമുണ്ടെന്ന് കുടുംബം മാധ്യമങ്ങളോട് പറഞ്ഞു.

മെർസി ബാന്ഡിന്റെ സംഗീത വിരുന്ന്; ‘എന്റെ കേരളം’ മേളക്ക് ആവേശം

Story Highlights: India clinches second consecutive Olympic hockey bronze, beating Spain 2-1 with captain Harmanpreet Singh’s double strike and PR Sreejesh’s stellar goalkeeping. Image Credit: twentyfournews