I.M. Vijayan Retires From Police Service After 38 Years

ഐ.എം. വിജയൻ എന്ന ഫുട്ബോൾ ഇതിഹാസം ഇന്ന് പൊലീസ് സേവനത്തിൽ നിന്ന് വിരമിക്കുന്നു. 38 വർഷത്തെ സേവനത്തിനു ശേഷം എംഎസ്പി ഡെപ്യൂട്ടി കമാൻഡന്റ് എന്ന പദവിയിലാണ് അദ്ദേഹം വിരമിക്കുന്നത്. 1987-ൽ ഹവില്ദാറായിട്ടാണ് വിജയൻ പൊലീസ് സേവനത്തിൽ പ്രവേശിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഐ.എം. വിജയൻ കേരള പോലീസ് ടീമിൽ ചേരുന്നത് കോച്ച് ടി.കെ ചാത്തുണ്ണിയുടെയും സ്പോർട്സ് കൗൺസിൽ സെക്രട്ടറി എം.സി. രാധാകൃഷ്ണന്റെയും ശുപാർശ കത്തുമായാണ്. പതിനെട്ട് വയസ് തികയാതിരുന്നതിനാൽ അന്നത്തെ ഡിജിപി എം.കെ ജോസഫ് ആദ്യം വിജയനെ ടീമിൽ എടുത്തിരുന്നില്ല. എന്നാൽ പിന്നീട് അതിഥി താരമായി ടീമിൽ ഉൾപ്പെടുത്തി.

കേരള പൊലീസ് ടീമിന്റെ സുവർണ കാലഘട്ടത്തിൽ വിജയൻ നിർണായക പങ്ക് വഹിച്ചു. യു. ഷറഫലി, കുരികേശ് മാത്യു, വി.പി. സത്യൻ, കെ.ടി ചാക്കോ, സി.വി. പാപ്പച്ചൻ തുടങ്ങിയ പ്രഗത്ഭരായ കളിക്കാർക്കൊപ്പം വിജയനും തിളങ്ങി. രണ്ട് ഫെഡറേഷൻ കപ്പുകൾ നേടിയ പോലീസ് ടീം 1993-ലെ സന്തോഷ് ട്രോഫി നേട്ടത്തിലും നിർണായക പങ്കുവഹിച്ചു.

കേരളത്തിന് പെലെ, മറഡോണ, യൊഹാൻ ക്രൈഫ് എന്നിവർ എന്താണോ ലോക ഫുട്ബോളിന് അതാണ് ഐ.എം. വിജയൻ ഇന്ത്യൻ ഫുട്ബോളിന്. പൊലീസ് സേവനത്തിൽ നിന്ന് വിരമിക്കുമ്പോൾ മൂന്ന് നക്ഷത്രങ്ങളുള്ള ഡെപ്യൂട്ടി കമാൻഡന്റ് പദവിയിലാണ് അദ്ദേഹം.

ഫുട്ബോളിൽ നിന്ന് വിരമിക്കുന്നില്ല, അക്കാദമി തുടങ്ങും: ഐ.എം. വിജയൻ

പൊലീസ് ജോലി വിജയനും കുടുംബത്തിനും സാമ്പത്തിക സുരക്ഷിതത്വം നൽകി. രണ്ട് തവണ പൊലീസ് ടീം വിട്ട വിജയൻ 2011 ൽ വീണ്ടും തിരിച്ചെത്തി. കേരള പൊലീസിന്റെ ചരിത്രത്തിലെ ഏറ്റവും തിളക്കമുള്ള താരങ്ങളിൽ ഒരാളാണ് വിജയൻ.

Story Highlights: I.M. Vijayan, the football legend, retires from police service today after 38 years.

ഫുട്ബോളിൽ നിന്ന് വിരമിക്കുന്നില്ല, അക്കാദമി തുടങ്ങും: ഐ.എം. വിജയൻ