Delhi HC warns Wikipedia of ban in India over defamation case

വിക്കിപീഡിയക്കെതിരെ കോടതിയലക്ഷ്യ നടപടിയുമായി ഡൽഹി ഹൈക്കോടതി മുന്നോട്ട് പോകുന്നു. ദേശീയ വാർത്താ ഏജൻസിയായ എഎൻഐയുടെ മാനനഷ്ടക്കേസിലാണ് ഈ നടപടി സ്വീകരിച്ചിരിക്കുന്നത്. കോടതി കടുത്ത നിലപാടാണ് സ്വീകരിച്ചിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ത്യ ഇഷ്ടമല്ലെങ്കിൽ ഇവിടെ പ്രവർത്തിക്കാൻ നിൽക്കരുതെന്ന് കോടതി വ്യക്തമാക്കി. രാജ്യത്ത് വിക്കിപീഡിയ നിരോധിക്കാൻ കേന്ദ്ര സർക്കാരിനോട് ആവശ്യപ്പെടുമെന്ന മുന്നറിയിപ്പും നൽകിയിട്ടുണ്ട്. എഎൻഐയുടെ വിക്കിപീഡിയ പേജിൽ നടത്തിയ എഡിറ്റിങ്ങിൽ പരാതിയുമായാണ് ഏജൻസി നേരത്തെ ഡൽഹി ഹൈക്കോടതിയെ സമീപിച്ചത്.

മോദി സർക്കാരിന്റെ പ്രോപഗണ്ട ആയുധമായി പ്രവർത്തിക്കുന്നുവെന്നതുൾപ്പെടെയുള്ള വിവരങ്ങൾ എഡിറ്റ് ചെയ്തു ചേർത്തുവെന്നാണ് വിക്കിപീഡിയക്കെതിരെ വാർത്താ ഏജൻസിയുടെ ആരോപണം. ജസ്റ്റിസ് നവീൻ ചൗളയുടെ ബെഞ്ചാണ് ഹർജി പരിഗണിച്ചത്. കോടതിയലക്ഷ്യം ചുമത്തുന്നതിനൊപ്പം ഇവിടെയുള്ള വിക്കിപീഡിയയുടെ പ്രവർത്തനങ്ങൾ അടച്ചുപൂട്ടാനും പോകുകയാണെന്ന് കോടതി മുന്നറിയിപ്പ് നൽകി.

ഇന്ത്യൻ സ്ഥാപനമല്ലാത്തതിനാൽ വിശദീകരണം സമർപ്പിക്കാൻ കൂടുതൽ സമയം വേണമെന്ന വിക്കിമീഡിയയുടെ അഭിഭാഷക സംഘത്തിന്റെ ആവശ്യം കോടതി തള്ളി. വിക്കിമീഡിയ ഫൗണ്ടേഷനിലെ ഒരു ഔദ്യോഗിക വൃത്തം അടുത്ത ഒക്ടോബറിൽ കേസ് വീണ്ടും പരിഗണിക്കുമ്പോൾ കോടതിയിൽ നേരിട്ട് ഹാജരാകണമെന്നും നിർദേശിച്ചിട്ടുണ്ട്.

കൃഷ്ണകുമാറിനും മകൾ ദിയ കൃഷ്ണനുമെതിരെ ഗുരുതര ആരോപണവുമായി ജീവനക്കാർ

Story Highlights: Delhi High Court takes contempt action against Wikipedia in defamation case filed by ANI

ജസ്റ്റിസ് യശ്വന്ത് വർമ്മയെ ഇംപീച്ച് ചെയ്യാൻ കേന്ദ്രം; നീക്കം പാർലമെൻ്റിൽ