Akhil Marar offers houses to families in need instead of CM fund

സംവിധായകനും ബിഗ് ബോസ് സീസൺ 5 വിജയിയുമായ അഖില് മാരാർ, മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം നല്കുന്നതിനു പകരം ദുരിതത്തിലായ മൂന്നു കുടുംബങ്ങള്ക്ക് വീട് വെച്ച് നല്കാമെന്ന് പ്രഖ്യാപിച്ചു. തന്റെ നാട്ടില് വസ്തു വിട്ടു നല്കാൻ ഒരു സുഹൃത്ത് തയ്യാറാണെന്നും വീട് നിർമാണത്തിന് ആവശ്യമായ സാധനങ്ങള് പലരും നല്കി സഹായിക്കാമെന്ന് പറഞ്ഞിട്ടുണ്ടെന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൂടാതെ, വീടുകള് നിർമിച്ചു നല്കാൻ ഒരു സുഹൃത്തിന്റെ കണ്സ്ട്രക്ഷൻ കമ്പനിയും സന്നദ്ധത അറിയിച്ചിട്ടുണ്ട്. വയനാട്ടില് ദുരന്തത്തില് വീട് നഷ്ടപ്പെട്ടവർക്ക് വേണമെങ്കില് അവർ ആഗ്രഹിക്കുന്ന സ്ഥലത്ത് വീട് വച്ചു നല്കാനും തയ്യാറാണെന്ന് അഖില് മാരാർ ഫെയ്സ്ബുക്കില് കുറിച്ചു.

അർഹതപ്പെട്ട മനുഷ്യരെ സഹായിക്കുക എന്നതാണ് തന്റെ താല്പര്യമെന്നും, നാളിതുവരെ ഒരാളെ സഹായിക്കുന്നത് മറ്റൊരാളോട് പറഞ്ഞു നടക്കുന്ന ശീലം തനിക്കില്ലെന്നും അദ്ദേഹം വ്യക്തമാക്കി. കഴിഞ്ഞ ഒരാഴ്ചയ്ക്കിടെ താൻ നല്കിയ ചില സഹായങ്ങളെക്കുറിച്ചും അഖില് മാരാർ പരാമർശിച്ചു.

മുസ്ലിങ്ങൾ സുരക്ഷിതരാകണമെങ്കിൽ ഹിന്ദുക്കൾ സുരക്ഷിതരാകണം: യോഗി ആദിത്യനാഥ്

പ്രളയവും ഉരുള്പൊട്ടലും പോലെ വാർത്തകളില് നിറയുന്ന ദുരന്തങ്ങള് അല്ലാതെ ജീവിക്കാൻ മാർഗമില്ലാതെ അലയുന്ന എത്രയോ മനുഷ്യരുണ്ടെന്നും, അത്തരം മനുഷ്യരില് അർഹതയുണ്ടെന്ന് തോന്നിയവരെ സഹായിച്ചതായും അദ്ദേഹം കുറിപ്പില് വ്യക്തമാക്കി. തന്റെ കർമമാണ് തന്റെ നേട്ടമെന്നും, ഈശ്വരൻ മാത്രം അറിഞ്ഞാല് മതിയെന്നും അഖില് മാരാർ കൂട്ടിച്ചേർത്തു.

Story Highlights: Akhil Marar offers to build houses for three families in distress instead of donating to CM’s relief fund

വയനാട് ദുരന്തം: കേന്ദ്രത്തിന്റെ നിലപാട് വിമർശിച്ച് കെ രാധാകൃഷ്ണൻ എം.പി.