Former Malappuram SP Denies Rape Allegations, Claims Conspiracy

വീട്ടമ്മയുടെ ബലാത്സംഗ ആരോപണത്തിന് പിന്നിൽ വലിയ ഗൂഢാലോചനയുണ്ടെന്ന് മലപ്പുറം മുൻ എസ്പി സുജിത് ദാസ് വ്യക്തമാക്കി. 2022-ൽ പരാതിക്കാരി സഹോദരനും കുട്ടിക്കും ഒപ്പം തന്റെ ഓഫീസിൽ എത്തിയതായും, റിസപ്ഷൻ രജിസ്റ്ററിൽ വിശദാംശങ്ങൾ രേഖപ്പെടുത്തിയിട്ടുണ്ടെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൊന്നാനി ഡിവൈഎസ്പിയിൽ നിന്ന് നീതി ലഭിക്കുന്നില്ലെന്ന് പറഞ്ഞാണ് പരാതിക്കാരി തന്റെ അടുത്തെത്തിയതെന്നും, പിന്നീട് സ്ത്രീയെ കണ്ടിട്ടില്ലെന്നും സുജിത് ദാസ് വ്യക്തമാക്കി. നിരന്തരമായി പൊലീസിനെതിരെ കേസ് കൊടുക്കുന്ന സ്ത്രീയാണ് ഇപ്പോൾ ഇത്തരം ആരോപണവുമായി രംഗത്തെത്തിയതെന്ന് സുജിത് ദാസ് പറഞ്ഞു.

പൊന്നാനി എസ്എച്ച്ഒ വിനോദിനെതിരെ നൽകിയ പരാതി സ്പെഷ്യൽ ബ്രാഞ്ചിനെ ഉപയോഗിച്ച് അന്വേഷിച്ചതാണെന്നും, പരാതിയിൽ കഴമ്പില്ലെന്ന് കണ്ട് തള്ളിയതുമാണെന്നും അദ്ദേഹം കൂട്ടിച്ചേർത്തു. ആരോപണവുമായി ബന്ധപ്പെട്ട പരാതി മുഖ്യമന്ത്രിക്കും ഡിജിപിക്കും നൽകുമെന്നും, കേസ് സിബിഐ അന്വേഷിച്ചാലും നല്ലതെന്നും സുജിത് ദാസ് അഭിപ്രായപ്പെട്ടു.

അതേസമയം, വീട്ടമ്മയുടെ പരാതി അടിസ്ഥാനരഹിതമാണെന്ന് ഡിവൈഎസ്പി വിവി ബെന്നി പ്രതികരിച്ചു. അന്ന് പരാതിയിൽ കഴമ്പ് ഇല്ലെന്ന് റിപ്പോർട്ട് നൽകിയിരുന്നുവെന്നും അദ്ദേഹം വ്യക്തമാക്കി.

മുട്ടിൽ മരംമുറിക്കേസിലെ അന്വേഷണ ഉദ്യോഗസ്ഥൻ ആയതുകൊണ്ടാണ് തനിക്കെതിരെയും പരാതി വന്നതെന്ന് വിവി ബെന്നി പറഞ്ഞു. സ്വത്ത് തർക്കവുമായി ബന്ധപ്പെട്ട പരാതി നൽകാനെത്തിയ തന്നെ മലപ്പുറം മുൻ എസ്പി സുജിത് ദാസ്, പൊന്നാനി മുൻ സിഐ വിനോദ് എന്നിവർ പീഡിപ്പിച്ചെന്നും തിരൂർ മുൻ ഡിവൈഎസ്പി വിവി ബെന്നി ഉപദ്രവിച്ചെന്നുമാണ് യുവതിയുടെ പരാതി.

മലപ്പുറത്ത് കഞ്ചാവ് വില്പ്പനക്കാരൻ പിടിയിൽ; സംസ്ഥാന വ്യാപക ലഹരിവേട്ടയിൽ നിരവധി അറസ്റ്റുകൾ

Story Highlights: Former Malappuram SP Sujith Das denies rape allegations, claims conspiracy behind housewife’s complaint

ഓപ്പറേഷൻ ഡി-ഹണ്ട്: 69 പേർ അറസ്റ്റിൽ