Honey Rose slams Rahul Eshwar over women's attire remarks

രാഹുൽ ഈശ്വറിന്റെ അഭിപ്രായങ്ങളോട് വിയോജിപ്പ് പ്രകടിപ്പിച്ച് നടി ഹണി റോസ് രംഗത്ത്. സ്ത്രീകൾ ഉന്നയിക്കുന്ന പ്രശ്നങ്ങളെ രാഹുൽ ഈശ്വർ നിസ്സാരവൽക്കരിക്കുന്നുവെന്ന് ഹണി റോസ് ആരോപിച്ചു. രാഹുൽ ഈശ്വർ തന്ത്രി കുടുംബത്തിൽ പെട്ടയാളാണെങ്കിലും ക്ഷേത്രത്തിലെ പൂജാരിയാകാതിരുന്നത് നന്നായെന്നും ഹണി റോസ് പറഞ്ഞു. പൂജാരിയായിരുന്നെങ്കിൽ ക്ഷേത്രത്തിൽ എത്തുന്ന സ്ത്രീകൾക്ക് വസ്ത്രധാരണ നിയമങ്ങൾ ഏർപ്പെടുത്തുമായിരുന്നുവെന്നും അവർ കൂട്ടിച്ചേർത്തു. സ്ത്രീകൾ എത്ര വലിയ പ്രശ്നം അഡ്രസ് ചെയ്താലും രാഹുൽ ഈശ്വർ അദ്ദേഹത്തിന്റെ ഭാഷാപ്രാവീണ്യം ഉപയോഗിച്ച് അതിനെ നിസ്സാരവൽക്കരിക്കുമെന്നും ഹണി റോസ് സോഷ്യൽ മീഡിയയിൽ കുറിച്ചു. ഭാഷയുടെ കാര്യത്തിൽ നിയന്ത്രണം പാലിക്കുന്ന രാഹുൽ ഈശ്വറിന് സ്ത്രീകളുടെ വസ്ത്രധാരണം കാണുമ്പോൾ ആ നിയന്ത്രണം നഷ്ടപ്പെടുന്നുണ്ടെന്നും ഹണി റോസ് ചൂണ്ടിക്കാട്ടി. എപ്പോഴെങ്കിലും തന്റെ മുന്നിൽ വരേണ്ടിവന്നാൽ ശ്രദ്ധിക്കുമെന്നും അവർ പറഞ്ഞു. രാഹുൽ ഈശ്വറിന് സ്ത്രീകളെ ഏത് വേഷത്തിൽ കണ്ടാൽ നിയന്ത്രണം നഷ്ടപ്പെടുമെന്ന് അറിയില്ലെന്നും ഹണി റോസ് പരിഹസിച്ചു. ഹണി റോസിന്റെ വസ്ത്രധാരണം അമിതമാണെന്ന് കേരളത്തിൽ ഒരാൾക്കെങ്കിലും തോന്നിയിട്ടുണ്ടാകുമെന്ന് രാഹുൽ ഈശ്വർ പ്രതികരിച്ചിരുന്നു. അഭിഭാഷകയായ ഫറ ഷിബിലയുടെ നിലപാടും കേരള സമൂഹം ചർച്ച ചെയ്യണമെന്ന് രാഹുൽ ഈശ്വർ ട്വന്റിഫോറിനോട് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

View this post on Instagram

A post shared by Honey Rose (@honeyroseinsta)

ഹണി റോസിന്റെയും രാഹുൽ ഈശ്വറിന്റെയും പ്രതികരണങ്ങൾ സോഷ്യൽ മീഡിയയിൽ വലിയ ചർച്ചയായിരിക്കുകയാണ്. സ്ത്രീകളുടെ വസ്ത്രധാരണത്തെക്കുറിച്ചുള്ള രാഹുൽ ഈശ്വറിന്റെ പ്രസ്താവന വിവാദമായിരുന്നു. ഹണി റോസിന്റെ വസ്ത്രധാരണത്തെ വിമർശിച്ച രാഹുൽ ഈശ്വറിനെതിരെ രൂക്ഷമായ ഭാഷയിലാണ് ഹണി റോസ് പ്രതികരിച്ചത്.