High Court Slams CPIM for Public Road Conference in Vanchiyoor

തിരുവനന്തപുരം വഞ്ചിയൂരിലെ പൊതുവഴിയില് സിപിഐഎം ഏരിയാ സമ്മേളനം നടത്തിയതിനെതിരെ ഹൈക്കോടതി കടുത്ത വിമര്ശനം ഉന്നയിച്ചു. ഡിവിഷന് ബെഞ്ച് സംഭവത്തില് കോടതിയലക്ഷ്യ നടപടി സ്വീകരിക്കുമെന്ന് മുന്നറിയിപ്പ് നല്കുകയും സംസ്ഥാന സര്ക്കാരിനോടും പോലീസ് മേധാവിയോടും വിശദീകരണം ആവശ്യപ്പെടുകയും ചെയ്തു. സ്റ്റേഷന് ഹൗസ് ഓഫീസറോട് നേരിട്ട് ഹാജരാകാനും കോടതി നിര്ദ്ദേശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൊതുജനങ്ങളുടെ യാത്രാവകാശത്തെ തടസ്സപ്പെടുത്തുന്നതാണ് റോഡ് തടഞ്ഞുള്ള പരിപാടിയെന്ന് കോടതി നിരീക്ഷിച്ചു. ഇത് ഹൈക്കോടതിയുടെ മുന് ഉത്തരവുകളുടെ ലംഘനമാണെന്നും ചൂണ്ടിക്കാട്ടി. പരിപാടിയുടെ സ്വഭാവവും പങ്കെടുത്തവരെക്കുറിച്ചും ഡിവിഷന് ബെഞ്ച് ആരാഞ്ഞു. പൊലീസ് സ്റ്റേഷന്റെയും കോടതിയുടെയും സമീപത്താണ് പരിപാടി നടന്നതെന്നും കോടതി വിമര്ശിച്ചു. സംഭവത്തില് കേസെടുത്തിട്ടുണ്ടോ എന്നും അന്വേഷിച്ചു.

കോടതി ഉത്തരവുകള് നടപ്പാക്കുന്നതില് പൊലീസും സര്ക്കാരും കാണിക്കുന്ന അലംഭാവത്തെയും ഹൈക്കോടതി വിമര്ശിച്ചു. ഹൈക്കോടതി ഉത്തരവിന്റെ അടിസ്ഥാനത്തില് പുറപ്പെടുവിപ്പിച്ച സര്ക്കുലറുകള് കോള്ഡ് സ്റ്റോറേജിലാണോ എന്നും ചോദ്യമുയര്ത്തി. സംസ്ഥാന പോലീസ് മേധാവിയോടും സിറ്റി പോലീസ് കമ്മീഷണറോടും വിശദീകരണം തേടി. വ്യാഴാഴ്ച സ്റ്റേഷന് ഹൗസ് ഓഫീസര് മതിയായ രേഖകള് സഹിതം കോടതിയില് നേരിട്ട് ഹാജരാകണമെന്നും ഡിവിഷന് ബെഞ്ച് ഉത്തരവിട്ടു.