Hathras Stampede: CM Yogi Adityanath Announces Judicial Inquiry

ഉത്തർ പ്രദേശിലെ ഹാഥ്റസിൽ നടന്ന ദാരുണമായ സംഭവത്തിൽ ജുഡീഷ്യൽ അന്വേഷണം പ്രഖ്യാപിച്ചിരിക്കുകയാണ് മുഖ്യമന്ത്രി യോഗി ആദിത്യനാഥ്. നിലവിലെ അന്വേഷണങ്ങൾക്ക് സമാന്തരമായി ഈ അന്വേഷണം നടത്തുമെന്ന് അദ്ദേഹം വ്യക്തമാക്കി. പരിക്കേറ്റവർക്ക് മികച്ച ചികിത്സ ലഭ്യമാക്കുമെന്നും മുഖ്യമന്ത്രി ഉറപ്പു നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തെക്കുറിച്ച് സമഗ്രമായ അന്വേഷണം നടക്കുന്നുണ്ടെന്നും സംഘാടകരെ ചോദ്യം ചെയ്യാൻ വിളിപ്പിച്ചിട്ടുണ്ടെന്നും യോഗി ആദിത്യനാഥ് അറിയിച്ചു. സംഭവസ്ഥലത്ത് 16 ജില്ലകളിൽ നിന്നുള്ള വിശ്വാസികൾ ഉണ്ടായിരുന്നതായി കണ്ടെത്തി. ദുരന്തത്തിൽ 121 പേർ മരണപ്പെട്ടു.

സംഘാടകർക്കെതിരെ കേസ് രജിസ്റ്റർ ചെയ്തിട്ടുണ്ട്. 80,000 പേർക്ക് മാത്രം അനുമതി നൽകിയ പരിപാടിയിൽ രണ്ടര ലക്ഷത്തോളം ആളുകൾ പങ്കെടുത്തതാണ് ദുരന്തത്തിന്റെ ആഘാതം വർധിപ്പിച്ചത്. ആൾദൈവം ഭോലെ ബാബയുടെ സത്സംഗ് കഴിഞ്ഞ് ജനങ്ങൾ മടങ്ങാൻ തയ്യാറെടുക്കുമ്പോഴാണ് അപകടം സംഭവിച്ചത്.

വാഹനങ്ങൾ പുറപ്പെട്ടപ്പോൾ ഉയർന്ന പൊടി ശേഖരിക്കാൻ ജനക്കൂട്ടം തിക്കിത്തിരക്കി കയറിയത് വലിയ ദുരന്തത്തിന് കാരണമായി. പൊലീസ് സമർപ്പിച്ച എഫ്ഐആറിൽ സ്വയം പ്രഖ്യാപിത ആൾദൈവം ‘ഭോലെ ബാബ’യുടെ പേര് ഉൾപ്പെടുത്തിയിട്ടില്ല എന്നതും ശ്രദ്ധേയമാണ്. സംഭവത്തിൽ കൂടുതൽ വിശദമായ അന്വേഷണം നടത്തി ഉത്തരവാദികളെ കണ്ടെത്താനുള്ള നടപടികൾ സ്വീകരിക്കുമെന്ന് അധികൃതർ അറിയിച്ചു.

ദുബായ് തുറമുഖത്ത് വൻ ലഹരിമരുന്ന് വേട്ട; 147.4 കിലോ പിടിച്ചെടുത്തു

ഈദ് നമസ്കാരം തെരുവിൽ വേണ്ട; ലൈസൻസും പാസ്പോർട്ടും റദ്ദാക്കുമെന്ന് മീററ്റ് പൊലീസ്