സംസ്ഥാനത്തെ സ്വർണവില വീണ്ടും വർധിച്ചിരിക്കുന്നു. ഇന്ന് 760 രൂപയുടെ വർധനവാണ് രേഖപ്പെടുത്തിയിരിക്കുന്നത്. ഇതോടെ ഒരു പവൻ സ്വർണത്തിന്റെ വില 52,520 രൂപയായി ഉയർന്നു. ഗ്രാമിന് 95 രൂപയുടെ വർധനവാണ് ഉണ്ടായത്. ഒരു ഗ്രാം സ്വർണത്തിന്റെ വില 6,565 രൂപയായി മാറിയിരിക്കുന്നു.
കഴിഞ്ഞ മാസം 17-ാം തീയതിയാണ് സ്വർണവില 55,000 രൂപയെത്തിയത്. എന്നാൽ കേന്ദ്ര ബജറ്റിൽ കസ്റ്റംസ് തീരുവ കുറച്ചതോടെ സ്വർണവിലയിൽ വലിയ ഇടിവുണ്ടായി. പിന്നീട് കുറച്ചുദിവസങ്ങളിലായി സ്വർണവില വീണ്ടും കുതിച്ചുയരുകയാണ്.
കേന്ദ്ര ബജറ്റിൽ കസ്റ്റംസ് തീരുവ കുറച്ചതോടെ സ്വർണവിലയിൽ 4,500 രൂപയോളം ഇടിവുണ്ടായി. എന്നാൽ പിന്നീട് വർധനവുണ്ടായി. അഞ്ചുദിവസത്തിനിടെ 1,700 രൂപയുടെ വർധനവാണ് രേഖപ്പെടുത്തിയത്. കഴിഞ്ഞ ബുധനാഴ്ച 50,800 രൂപയായിരുന്നു സ്വർണവില, ഇതാണ് ഈ മാസത്തെ ഏറ്റവും കുറഞ്ഞ നിരക്ക്.
Story Highlights: സംസ്ഥാനത്ത് സ്വർണവില വീണ്ടും 52,000 രൂപ കടന്നു, ഒരു പവന് 52,520 രൂപ.
Image Credit: twentyfournews
