Gold prices hit record high in Kerala, impacting festival season

ഉത്സവ-വിവാഹ സീസണുകളിൽ ഉപഭോക്താക്കൾക്ക് കനത്ത തിരിച്ചടിയാകുകയാണ് സ്വർണ വിലക്കയറ്റം. ഇന്ന് ഒരു പവന് സ്വർണത്തിന് 120 രൂപ വര്ധിച്ച് 59,640 രൂപയിലെത്തി. ഗ്രാമിന് 15 രൂപയാണ് ഉയര്ന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

7455 രൂപയാണ് ഒരു ഗ്രാം സ്വര്ണത്തിന്റെ വില. കഴിഞ്ഞദിവസമാണ് സ്വര്ണവില ആദ്യമായി 59,000 തൊട്ടത്. രാജ്യാന്തര വിലയുടെ ചുവട് പിടിച്ചാണ് സംസ്ഥാനത്തും സ്വർണവിലക്കയറ്റം ഉണ്ടാകുന്നത്.

ഈ മാസം ആദ്യം 56,400 രൂപയായിരുന്നു സ്വര്ണവില. പത്തിന് 56,200 രൂപയായി താഴ്ന്ന് ഈ മാസത്തെ ഏറ്റവും കുറഞ്ഞ നിലവാരത്തില് എത്തി. എന്നാല് പിന്നീടുള്ള ദിവസങ്ങളില് റെക്കോര്ഡുകള് ഭേദിച്ച് വില ഉയരുന്നതാണ് കാണാന് കഴിഞ്ഞത്.

തിങ്കളാഴ്ച 360 രൂപ കുറഞ്ഞത് താൽക്കാലികമായിരുന്നുവെന്ന് തെളിയിച്ചുകൊണ്ട് കഴിഞ്ഞ മൂന്ന് ദിവസം കൊണ്ട് സ്വര്ണവില ആയിരത്തിലധികം രൂപയാണ് കൂടിയത്. രാജ്യാന്തര വില ഔൺസിന് 2,700 ഡോളറിന് മുകളിൽ തുടരുകയാണ്. അമേരിക്കൻ പ്രസിഡന്റ് തെരഞ്ഞെടുപ്പിലെ അനിശ്ചിതത്വവും ഭൗമരാഷ്ട്രീയ സാഹചര്യങ്ങളുമൊക്കെയാണ് സ്വർണ വില കൂടാനിടയാക്കുന്നത്.

ദീപാവലി ദിവസം സ്വർണം വാങ്ങുന്നത് ലക്ഷ്മീദേവിയെ ആരാധിക്കുന്നതിന് തുല്യമായി വിശ്വസിക്കുന്നവരുണ്ട്. എന്നാൽ ഇപ്പോഴത്തെ വിലക്കയറ്റം സ്വർണം വാങ്ങാനിരിക്കുന്നവർക്കെല്ലാം പ്രതിസന്ധിയാകുകയാണ്.

വനിതാദിന പ്ലേസ്മെന്റ് ഡ്രൈവ്: 250 വിദ്യാർത്ഥിനികൾക്ക് ജോലി

Story Highlights: Gold prices in Kerala soar to record highs, impacting festival and wedding season purchases

കേരളത്തിലെ ലഹരിമരുന്ന് വ്യാപനത്തിൽ ആശങ്ക പ്രകടിപ്പിച്ച് രാഹുൽ ഗാന്ധി