Gold price in Kerala hits record high, nears 60,000 per sovereign

സ്വർണവില തുടർച്ചയായ രണ്ടാം ദിവസവും കുതിച്ചുയർന്നു. ഇന്ന് ഒരു ഗ്രാം സ്വർണത്തിന് 65 രൂപ വർധിച്ച് 7440 രൂപയായി. ഒരു പവൻ സ്വർണത്തിന് 520 രൂപ വർധിച്ച് 59520 രൂപയെന്ന റെക്കോർഡ് നിരക്കിലാണ് വിൽപ്പന നടക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതോടെ ഒരു പവൻ സ്വർണത്തിന്റെ വില 60000 രൂപയോട് അടുക്കുകയാണ്. ദീപാവലിയോട് അടുപ്പിച്ചാണ് സ്വർണവില റെക്കോർഡുകൾ ഭേദിച്ച് മുന്നേറുന്നത്. ഈ മാസത്തിന്റെ തുടക്കത്തിൽ 56,400 രൂപയായിരുന്നു സ്വർണവില.

പത്തിന് 56,200 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിൽ എത്തി. എന്നാൽ പിന്നീടുള്ള ദിവസങ്ങളിൽ റെക്കോർഡുകൾ ഭേദിച്ച് വില ഉയരുന്നതാണ് ദൃശ്യമായത്. ശനിയാഴ്ച 58,880 രൂപയായി ഉയർന്നിരുന്നു.

ഇന്നലെയായപ്പോഴേക്കും ആദ്യമായി ഒരു പവന്റെ വില 59000 കടന്നു. ഇത് വിവാഹ വിപണിയേയും ആശങ്കയിലാക്കുന്നുണ്ട്. ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ.

കുടുംബശ്രീക്ക് ഇന്ന് 27-ാം വാര്ഷികം: സ്ത്രീ ശാക്തീകരണത്തിന് പുതിയ മാതൃക

ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും. ഇപ്പോഴത്തെ വിലക്കയറ്റം ദീപാവലി ആഘോഷങ്ങളുടെ പശ്ചാത്തലത്തിൽ സ്വർണ വ്യാപാരികൾക്കും ഉപഭോക്താക്കൾക്കും വെല്ലുവിളി ഉയർത്തുന്നു.

Story Highlights: Gold price in Kerala reaches record high of 59,520 rupees per sovereign, nearing 60,000 mark

കോഴിക്കോട് എള്ളിക്കാപാറയിൽ ഭൂചലനം; പരിഭ്രാന്തരായി നാട്ടുകാർ