Goa Governor supports ADGP-RSS meeting, criticizes Kerala politics

കേരളത്തിലെ നിലവിലെ ചർച്ചകളിൽ ആർഎസ്എസുകാരെ കാണരുത്, തൊടരുത് എന്ന നിലപാടാണ് സ്വീകരിച്ചിരിക്കുന്നതെന്ന് ഗോവ ഗവർണർ പി എസ് ശ്രീധരൻ പിള്ള അഭിപ്രായപ്പെട്ടു. എഡിജിപി എം ആർ അജിത് കുമാർ – ആർഎസ്എസ് കൂടിക്കാഴ്ചയുമായി ബന്ധപ്പെട്ട് പരോക്ഷ പിന്തുണയുമായാണ് അദ്ദേഹം രംഗത്തെത്തിയത്. ഇത്തരം രാഷ്ട്രീയ അയിത്തം കുറ്റകരമാണെന്നും ജനാധിപത്യത്തിന്റെ അടിത്തറ തകർക്കുന്നതാണെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളത്തിൽ മാത്രമാണ് ഇത്തരം ചർച്ചകൾ നടക്കുന്നതെന്നും ശ്രീധരൻ പിള്ള ചൂണ്ടിക്കാട്ടി. ആർഎസ്എസിനെ കണ്ടാൽ പോലും പാപമുള്ളവർ എന്ന ആശയം മറ്റെവിടെയും ഇല്ലെന്ന് ശ്രീധരൻ പിള്ള പറഞ്ഞു. ആർഎസ്എസിന്റെ പേരിൽ മുഖ്യമന്ത്രിയും പ്രതിപക്ഷ നേതാവും ആരെയാണ് കബളിപ്പിക്കുന്നതെന്ന് അദ്ദേഹം ചോദിച്ചു.

1980-ൽ ഒ രാജഗോപാലിന്റെ തെരഞ്ഞെടുപ്പ് കൺവീനർ ചെർക്കളം അബ്ദുള്ളയായിരുന്നെന്നും അതിനെ പിന്താങ്ങിയത് യുഡിഎഫ് ആയിരുന്നെന്നും അദ്ദേഹം ഓർമിപ്പിച്ചു. തെരഞ്ഞെടുപ്പ് സഖ്യം മുഖ്യമന്ത്രി ഓർക്കണമെന്നും അദ്ദേഹം കൂട്ടിച്ചേർത്തു. സുരേഷ് ഗോപി തൃശൂരിൽ ജയിച്ചത് എങ്ങനെയെന്ന് പഠിക്കണമെന്ന് ശ്രീധരൻ പിള്ള അഭിപ്രായപ്പെട്ടു.

എയിംസ് വിവാദം: രാജ്മോഹൻ ഉണ്ണിത്താനും ബിജെപിയും തമ്മിൽ കാസർഗോട്ട് പോര്

സുരേഷ് ഗോപി കാണിച്ചത് സാഹസികതയാണെന്നും ഇത്രയും സാഹസികമായി ആരും രാഷ്ട്രീയത്തിൽ വന്നിട്ടില്ലെന്നും അദ്ദേഹം പറഞ്ഞു. ആർഎസ്എസിന് ഒരു തരത്തിലുമുള്ള പബ്ലിസിറ്റി ആവശ്യമില്ലെന്നും ആർഎസ്എസ് ഹൃദയം കൊണ്ടാണ് ബന്ധം സ്ഥാപിക്കുന്നതെന്നും അദ്ദേഹം കൂട്ടിച്ചേർത്തു.

Story Highlights: Goa Governor P.S. Sreedharan Pillai indirectly supports ADGP M.R. Ajith Kumar’s meeting with RSS, criticizes Kerala’s political ostracism

മുഖ്യമന്ത്രി കേരളത്തെ ദുരന്തത്തിലേക്ക് തള്ളുന്നു; പി.വി. അൻവറിൻ്റെ ആരോപണങ്ങൾ