Gazans Protesting Against Hamas Killed

**ഗാസ◾:** ഹമാസിനെതിരെ പരസ്യ പ്രതിഷേധത്തിനിറങ്ങിയ ആറു പേരെ തട്ടിക്കൊണ്ടുപോയി വധിച്ചതായി റിപ്പോർട്ടുകൾ. ഏകദേശം ഒരു വർഷത്തോളം നീണ്ടുനിന്ന ഏറ്റുമുട്ടലിൽ അര ലക്ഷത്തോളം പേർ കൊല്ലപ്പെട്ടതിനു പിന്നാലെയാണ് ഗാസയിൽ ഹമാസിനെതിരെ ശക്തമായ പ്രതിഷേധം ഉയർന്നത്. ഹമാസ് ഗാസയുടെ ഭരണം ഒഴിയണമെന്നും യുദ്ധം വേണ്ടെന്നും ആവശ്യപ്പെട്ട് സ്ത്രീകളും പുരുഷന്മാരും അടക്കം നിരവധി പേർ പ്രതിഷേധത്തിൽ പങ്കെടുത്തു. പ്രതിഷേധത്തിൽ പങ്കെടുത്ത നിരവധി പേരെ കാണാതായതായി പരാതികൾ ഉയർന്നിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ പ്രതിഷേധത്തിന് പിന്നാലെയാണ് ഗാസയിൽ നിന്ന് ആളുകളെ കാണാതായി തുടങ്ങിയത്. സോഷ്യൽ മീഡിയയിലൂടെ ഹമാസിനെതിരെ ശബ്ദമുയർത്തിയ 22 വയസ്സുകാരനായ ഒഡേ നാസർ അൽ റബൈ കൊല്ലപ്പെട്ടവരിൽ ഒരാളാണ്. ഇയാളെ തട്ടിക്കൊണ്ടുപോയി ക്രൂരമായി മർദ്ദിച്ച് കൊലപ്പെടുത്തിയ ശേഷം ഗാസ സിറ്റിയിലെ ടെൽ അൽ ഹവായിലെ വീട്ടുമുറ്റത്ത് മൃതദേഹം ഉപേക്ഷിച്ച നിലയിൽ കണ്ടെത്തി. നൂറുകണക്കിന് കാസർക്കാർ ഹമാസിനെതിരെ പരസ്യ പ്രതിഷേധവുമായി രംഗത്തിറങ്ങിയിരുന്നു.

ഗാസയിലെ നസ്രത്ത് അഭയാർത്ഥി ക്യാമ്പിൽ 22 കാരനായ മറ്റൊരു യുവാവിനെ ഇരുകാലുകളിലും വെടിവച്ച് പരസ്യമായി കൊലപ്പെടുത്തിയതായും റിപ്പോർട്ടുകളുണ്ട്. ഹമാസ് ഗാസയുടെ അധികാരം ഒഴിയണം എന്ന് ആവശ്യപ്പെട്ട് സ്ത്രീകളും പുരുഷന്മാരും അടക്കം സമര രംഗത്തിറങ്ങിയിരുന്നു. ഈ വാർത്തകൾ ആയുധമാക്കി ലോകമെമ്പാടും ഹമാസിനെതിരായ പ്രചാരണത്തിന് ഇസ്രായേൽ ഇത് ഉപയോഗിക്കുന്നുണ്ട്. പ്രതിഷേധത്തിന് ദിവസങ്ങൾക്ക് ശേഷമാണ് ഗാസയിൽ നിന്ന് ആളുകളെ കാണാതായത്.