Galaxy S25 Series Launching on 22nd with Advanced Features

ഈ മാസം 22-ന് വിപണിയിലെത്തുന്ന ഗാലക്സി എസ് 25 സീരീസിലെ മൂന്ന് മോഡലുകളെക്കുറിച്ചാണ് ഈ വാർത്ത. ഗാലക്സി എസ് 25, എസ് 25 പ്ലസ്, എസ് 25 അൾട്ര എന്നിവയാണ് പുതിയ മോഡലുകൾ. ഏറ്റവും പുതിയ സ്നാപ്ഡ്രാഗൺ 8 എലൈറ്റ് ചിപ്പ്സെറ്റ് ആണ് ഈ ഫോണുകളുടെ പ്രധാന ആകർഷണം. കൂടുതൽ തെളിച്ചമുള്ള ഡിസ്പ്ലേയും ഫോണിന്റെ സവിശേഷതയാണ്. ഗാലക്സി എസ്25ൽ 12 ജിബി റാം ഉണ്ടാകുമെന്നാണ് റിപ്പോർട്ടുകൾ സൂചിപ്പിക്കുന്നത്. മികച്ച എഐ ഫീച്ചറുകൾക്കും മൾട്ടി ടാസ്കിങ്ങിനും ഇത് സഹായകമാകും. സാംസങ് വ്യത്യസ്തങ്ങളായ എഐ ഫീച്ചറുകൾ ഫോണിൽ ഉൾപ്പെടുത്തിയിട്ടുണ്ട്. എൻട്രി ലെവൽ മോഡലിന് 80,000 രൂപ മുതൽ വില ആരംഭിക്കുമെന്നാണ് റിപ്പോർട്ടുകൾ. പ്രീമിയം മോഡലായ എസ് 25 അൾട്രയ്ക്ക് 1,29,000 രൂപ വരെ വില വരാനും സാധ്യതയുണ്ട്. ഈ വർഷം ഇറങ്ങിയ എസ് 24ന് സമാനമായിരിക്കും പുതിയ മോഡലിന്റെ വില എന്നാണ് സൂചന. ചതുരാകൃതിയിലുള്ള ഡിസൈനിൽ നിന്നും വ്യത്യസ്തമായി പരന്ന ഫ്രെയിമും വൃത്താകൃതിയിലുള്ള അരികുകളുമുള്ള ഡിസൈനിലാകും ഗാലക്സി എസ് 25 അൾട്ര. ക്വൽകോമിന്റെ സ്നാപ്ഡ്രാഗൺ 8 എലൈറ്റ് പ്രോസസറും 16 ജിബി റാമുമായിരിക്കും ഫോണിന്റെ പ്രത്യേകത. മുൻ മോഡലിന്റെ 12 എംപി സെൻസറിന് പകരം 50 എംപി അൾട്രാ-വൈഡ്-ആംഗിൾ ലെൻസാകും പുതിയ ഫോണിൽ ഉണ്ടാവുക. സാംസങ്ങിന്റെ ജെഎൻ3 സെൻസർ പ്രയോജനപ്പെടുത്തിയാണ് കാമറ സംവിധാനം ഒരുക്കിയിരിക്കുന്നത്. രണ്ടാം തലമുറ ഗൊറില്ല ഗ്ലാസ് ആർമറും ഫോണിന്റെ സവിശേഷതയാണ്. കൂടുതൽ സർപ്രൈസ് ഫീച്ചറുകൾക്കായി ഇനിയും 10 ദിവസം ആരാധകർ കാത്തിരിക്കണം. ആപ്പിൾ ഐഫോണിനെ വെല്ലുന്ന സവിശേഷതകളുമായാണ് പുതിയ ഫോണുകൾ വിപണിയിലെത്തുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റിയൽമി 15 പ്രോ 5G ജൂലൈ 24-ന് എത്തും; സവിശേഷതകൾ അറിയാം

ALSO READ; ശമ്പളത്തട്ടിപ്പ് ആപ്പിള് പുറത്താക്കിയത് നിരവധി ജീവനക്കാരെ, ഭൂരിപക്ഷം പേരും ഇവരാണ്!