സൗജന്യ ഭക്ഷ്യ കിറ്റ് വിതരണം നിർത്തലാക്കാൻ തീരുമാനിച്ചിട്ടില്ലെന്ന് ഭക്ഷ്യ മന്ത്രി ജി.ആർ അനിൽ വ്യക്തമാക്കി. എന്നാൽ സൗജന്യ ഭക്ഷ്യകിറ്റ് വിതരണത്തിൽ ചെറിയതോതിലുള്ള ബുദ്ധിമുട്ടുണ്ടെന്നത് യാഥാർത്ഥ്യമാണെന്ന് മന്ത്രി വ്യക്തമാക്കി.
അതേസമയം മുൻഗണന വിഭാഗങ്ങൾക്ക് മാത്രമായി സൗജന്യ കിറ്റ് ലഭ്യമാക്കിയാൽ പോരേയെന്ന ചോദ്യങ്ങൾ പലകോണുകളിൽ നിന്നായി ഉയരുന്നുണ്ട്. വിഷയത്തിൽ ചർച്ച ചെയ്ത് കൂടുതൽ തീരുമാനങ്ങളെടുക്കുമെന്ന് മന്ത്രി അറിയിച്ചു.
സർക്കാർ സൗജന്യ ഭക്ഷ്യകിറ്റ് വിതരണം നിർത്തലാക്കിയെന്ന് വ്യാപക പ്രചരണം നടന്നിരുന്നു. തുടർന്നാണ് ഭക്ഷ്യ മന്ത്രിയുടെ പ്രതികരണമുണ്ടായത്.
കോവിഡ് വ്യാപനത്തെ തുടർന്ന് ജനങ്ങളുടെ പ്രതിസന്ധി കണക്കിലെടുത്താണ് ഭക്ഷ്യക്കിറ്റ് സൗജന്യമായി വിതരണം ചെയ്യാൻ തീരുമാനിച്ചത്. 2020 ഏപ്രിൽ മുതലാണ് സൗജന്യ ഭക്ഷ്യ കിറ്റ് വിതരണം ആരംഭിച്ചത്. റേഷൻ കാർഡ് ഇല്ലാത്തവർക്ക് ആധാർ കാർഡിനൊപ്പം സത്യവാങ്മൂലം സമർപ്പിച്ചാൽ കിറ്റ് വാങ്ങാവുന്നതാണ്.
Story Highlights: Free Food Kit Supply will continue
