France Orders Osama Bin Laden's Son to Leave Over Social Media Post

അൽ-ഖ്വൊയ്ദ നേതാവ് ഒസാമ ബിൻ ലാദന്റെ മകൻ ഒമർ ബിൻലാദനോട് രാജ്യം വിടാൻ ആവശ്യപ്പെട്ട് ഫ്രാൻസ് രംഗത്തെത്തി. വിവാദ സോഷ്യൽ മീഡിയ പോസ്റ്റിന്റെ പേരിലാണ് ഈ നടപടി. ഫ്രഞ്ച് മന്ത്രി ബ്രൂണോ റിട്ടെയിലിയു ആണ് ഇക്കാര്യം സ്ഥിരീകരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സോഷ്യൽ മീഡിയയിൽ ഒമർ ഇട്ട ഒരു കമന്റ് തീവ്രവാദത്തെ മഹത്വവത്കരിക്കുന്നുവെന്ന് ചൂണ്ടിക്കാട്ടിയാണ് ഫ്രഞ്ച് ഭരണകൂടത്തിന്റെ നടപടി. നിയമവിദഗ്ധരുമായി ചർച്ച നടത്തിയതായും രാജ്യസുരക്ഷയെ മുൻനിർത്തി ഈ തീരുമാനം കൈക്കൊള്ളുന്നതിന് നിയമതടസം ഇല്ലെന്ന് മനസിലാക്കിയതായും ഫ്രഞ്ച് മന്ത്രി ബ്രൂണോ അറിയിച്ചു. ഒമർ ഇപ്പോൾ ഫ്രാൻസിലില്ലെന്നും അദ്ദേഹം ഫ്രാൻസിലേക്ക് തിരിച്ചുവരുന്നത് വിലക്കിക്കൊണ്ടുള്ള ഉത്തരവിൽ താൻ ഒപ്പുവച്ചെന്നും മന്ത്രി കൂട്ടിച്ചേർത്തു.

എന്നാൽ, ഒമർ എങ്ങോട്ടാണ് പോകുന്നതെന്ന് ഉൾപ്പെടെയുള്ള വിവരങ്ങൾ ഫ്രഞ്ച് ഭരണകൂടം പുറത്തുവിട്ടിട്ടില്ല. 2023-ൽ ബിൻലാദന്റെ പിറന്നാൾ ദിവസം പങ്കുവച്ച ഒരു സോഷ്യൽ മീഡിയ പോസ്റ്റിലാണ് ഒമർ വിവാദമായ കമന്റ് പോസ്റ്റ് ചെയ്തത്. ഈ കമന്റിലൂടെ ഒമർ ഭീകരവാദത്തെ മഹത്വവത്കരിച്ചുവെന്നായിരുന്നു ആരോപണം.

വിഎസിനെതിരായ പ്രചാരണത്തിനെതിരെ ആഞ്ഞടിച്ച് പി.എം. ആർഷോ

ബ്രിട്ടീഷ് പൗരത്വമുള്ളയാളാണ് ഒമറിന്റെ പങ്കാളി. ഇരുവരും കുറച്ച് വർഷങ്ങളായി ഫ്രാൻസിൽ താമസിച്ചുവരികയായിരുന്നു. പ്രശസ്തനായ ചിത്രകാരൻ കൂടിയാണ് ഒമർ.

Story Highlights: France orders Osama Bin Laden’s son Omar to leave country over controversial social media post

സ്മാർട്ട് ഫോൺ ഉപയോഗം കുറച്ച് ഫഹദ് ഫാസിൽ; ലക്ഷ്യം ഇമെയിൽ മാത്രം