Four detained with Palestine flag at ISL match in Kochi

കലൂര് സ്റ്റേഡിയത്തില് നടന്ന ഐഎസ്എല് മത്സരത്തിന് പാലസ്തീന് പതാകയുമായി എത്തിയ നാലു പേരെ പൊലീസ് കസ്റ്റഡിയിലെടുത്തു. എറണാകുളം, പാലക്കാട്, തിരുവനന്തപുരം, മലപ്പുറം സ്വദേശികളായ ഇവരെ പാലാരിവട്ടം പൊലീസാണ് കരുതല് തടങ്കലില് എടുത്തത്. എന്നാല് ഇവര്ക്കെതിരെ കേസെടുക്കുകയോ അറസ്റ്റ് രേഖപ്പെടുത്തുകയോ ചെയ്തിട്ടില്ല. മത്സരം തുടങ്ങുന്നതിന് മുന്പാണ് ഇവരെ കസ്റ്റഡിയിലെടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാലസ്തീന് പതാകയുമായി പ്രതിഷേധിക്കാന് ഇവര് എത്തുമെന്ന മുന്നറിയിപ്പ് നേരത്തെ പൊലീസിന് ലഭിച്ചിരുന്നു. ഇതനുസരിച്ച് സ്റ്റേഡിയം പരിസരത്ത് നിരീക്ഷണം കര്ശനമാക്കിയിരുന്നു. അതേസമയം, കേരള ബ്ലാസ്റ്റേഴ്സ് ഇന്നത്തെ മത്സരത്തില് ഹൈദരാബാദിനോട് തോല്വി വഴങ്ങി. സ്വന്തം ഗ്രൗണ്ടില് 2-1 സ്കോറിലാണ് പരാജയപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആദ്യപകുതിയുടെ അവസാന നിമിഷം വരെ ഒരു ഗോളിന്റെ ലീഡില് നിന്ന കേരള ടീം പോയിന്റ് പട്ടികയില് 11-ാം സ്ഥാനത്തുള്ള ഹൈദരാബാദിനോട് പരാജയപ്പെട്ടു. രണ്ട് പകുതികളിലും നിരവധി അവസരങ്ങള് തുറന്നെടുത്തിട്ടും ഗോള് മാത്രം പിറക്കാത്ത മത്സരത്തില് അലസമായ നീക്കങ്ങളും ബ്ലാസ്റ്റേഴ്സിന്റെ താരങ്ങളില് നിന്ന് കണ്ടു. നോഹ സദോയ്, അഡ്രിയാന് ലൂണ, കെ.പി രാഹുല് എന്നിവര് മോശമില്ലാത്ത പ്രകടനം കാഴ്ച്ച വെച്ചപ്പോള് ആദ്യപകുതിയുടെ 13-ാം മിനിറ്റില് ജീസസ് ജിമിനസ് ആണ് കേരള ബ്ലാസ്റ്റേഴ്സിന്റെ ഏക ഗോള് നേടിയത്.

വഖഫ് ബില്ല് മതസ്വാതന്ത്ര്യത്തിന് എതിരെന്ന് പാളയം ഇമാം

Story Highlights: Four people detained for bringing Palestine flag to ISL match in Kochi

ഹമാസിനെതിരെ പ്രതിഷേധിച്ചവരെ വധിച്ചതായി റിപ്പോർട്ട്