മുംബൈയിലെ പരേലിലെ ബഹുനില കെട്ടിടത്തിന് തീപിടിച്ചു.64 നിലയുള്ള അവിഘ്ന പാർക്ക് അപാർട്ട്മെൻ്റിന്റെ 19 ആം നിലയിലാണ് തീപിടുത്തമുണ്ടായത്.
ഉച്ചയ്ക്ക് 12 മണിയോടെയായിരുന്നു സംഭവം.കെട്ടിടത്തിൽ കുടുങ്ങിയ നിരവധി പേരെ അഗ്നിശമന സേനയും പോലീസും ചേർന്ന് രക്ഷപ്പെടുത്തിയിട്ടുണ്ട്.
തീയിൽ നിന്നും രക്ഷപെടാൻ അതിസാഹസികമായി ശ്രമിച്ച ഒരു യുവാവ് മരണപ്പെട്ടു.
കെട്ടിടത്തിന്റെ 19-ാം നിലയിൽ നിന്ന് തീയിൽ നിന്നും രക്ഷപെടുന്നതിനായി ഇയാൾ ബാൽക്കണിയിൽനിന്ന് തൂങ്ങിയിറങ്ങാൻ ശ്രമിക്കവെ താഴേക്ക് വീഴുകയായിരുന്നു.
ഇയാൾ കെട്ടിടത്തിൽ നിന്ന് വീണു മരിക്കുന്നതിന്റെ വീഡിയോയാണ് ഇപ്പോൾ സമൂഹ മാധ്യമങ്ങളിൽ പ്രചരിക്കുന്നത്.
#Mumbai: A 30-year old panicked man Arun Tiwari, who tried to save himself from the fire on the 19th floor of the 61-storeyed Avigna Park, fell to his death, #BMC Disaster Control said. pic.twitter.com/E4rPQszcvq
— Mohan Raut (@tweet_mohn) October 22, 2021
അരുൺ തിവാരി (30) എന്നയാളാണ് മരണപ്പെട്ടത്.ഇയാളെ ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു.
രക്ഷാപ്രവർത്തനം പുരോഗമിക്കുകയാണെന്ന് മുംബൈ മേയർ കിഷോരി പട്നേക്കർ പറഞ്ഞു.
Story highlight : Fire accident on Luxury Residential Tower In Mumbai,1 Dead.
