FEFKA Warns Shine Tom Chacko Over Drug Use Allegations

ഷൈൻ ടോം ചാക്കോയ്ക്ക് ഫെഫ്ക കർശന താക്കീത് നൽകി. ലഹരി ഉപയോഗ വിഷയത്തിൽ ഫെഫ്ക ഭാരവാഹികൾ ഷൈനെ വിളിച്ചുവരുത്തി വിശദീകരണം തേടി. ഷൈനിന് ഒരു അവസരം കൂടി നൽകുമെന്നും സിനിമാ സെറ്റുകളിൽ ലഹരി ഉപയോഗത്തിൽ കർശന നടപടി സ്വീകരിക്കുമെന്നും ഫെഫ്ക വ്യക്തമാക്കി. അമ്മയുടെ ഭാരവാഹികളായ മോഹൻലാൽ, ജയൻ ചേർത്തല എന്നിവരുമായി ബന്ധപ്പെട്ടെന്നും അമ്മ നിയോഗിച്ച മൂന്നംഗ സമിതിയുമായി കൂടിക്കാഴ്ച നടത്തിയെന്നും ഫെഫ്ക അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഷൈൻ ലഹരി ഉപയോഗിക്കുന്നതായി സമ്മതിച്ചെന്നും ഇതിൽ നിന്ന് മുക്തി നേടാൻ അതിയായി ആഗ്രഹിക്കുന്നുണ്ടെന്നും ഫെഫ്ക ഭാരവാഹികൾ പറഞ്ഞു. ഷൈനെ കുറ്റവാളിയായി കാണരുതെന്നും അദ്ദേഹത്തെ തിരികെ കൊണ്ടുവരാൻ ഒന്നിച്ചുനിൽക്കാമെന്നും ഫെഫ്ക വ്യക്തമാക്കി. ഫെഫ്ക ഭാരവാഹികൾ ഷൈനുമായി അരമണിക്കൂറോളം ചർച്ച നടത്തി.

സൂത്രവാക്യം സിനിമയുടെ ഐസി യോഗത്തിൽ വിൻസിയുടെ പരാതി ഒത്തുതീർപ്പിലേക്ക് എത്തിയെന്ന സൂചന വരുന്ന പശ്ചാത്തലത്തിലാണ് ഷൈനെ വിളിച്ചുവരുത്തിയത്. ലഹരിയിൽ നിന്ന് മുക്തി നേടാനുള്ള സഹായമാണ് ഷൈനിന് ആവശ്യമെന്നും ഫെഫ്ക വ്യക്തമാക്കി. സിനിമാ സെറ്റുകളിലെ ലഹരി ഉപയോഗത്തിൽ വിട്ടുവീഴ്ചയില്ലാത്ത നിലപാട് സ്വീകരിക്കുമെന്ന് ഫെഫ്ക ജനറൽ സെക്രട്ടറി ബി. ഉണ്ണികൃഷ്ണൻ പറഞ്ഞു.

ഷൈനിനെ ആശുപത്രിയിൽ പോയി കണ്ടു; ആ മാറ്റം ഒരുപാട് ആഗ്രഹിച്ചിരുന്നുവെന്ന് തനൂജ

അതേസമയം, വിൻസിയുടെ പരാതിയിൽ ഐസി റിപ്പോർട്ടിൽ ഇടപെടില്ലെന്നും റിപ്പോർട്ടിനനുസരിച്ചാകും തുടർനടപടിയെന്നും ഫെഫ്ക ഭാരവാഹികൾ പറഞ്ഞു. റിപ്പോർട്ട് സിനിമയുടെ നിർമ്മാതാവിന് ഐസിസി ഉടൻ കൈമാറും. മാധ്യമങ്ങളാണ് വിഷയം ആളിക്കത്തിക്കുന്നതെന്നും വിൻസിയോട് ഷൈൻ ഐസിസി യോഗത്തിൽ പറഞ്ഞു.

പരാതികൾ സിനിമയെ പ്രതികൂലമായി ബാധിക്കുന്നുവെന്ന് നിർമ്മാതാവിന്റെ ആവശ്യപ്രകാരമാണ് ഒത്തുതീർപ്പ് ഫോർമുലയിലേക്ക് കാര്യങ്ങൾ എത്തിയത്. ഷൈന് കർശനമായ താക്കീത് നൽകിയിട്ടുണ്ടെന്നും ഫെഫ്ക വ്യക്തമാക്കി.

സിനിമാ സംഘടനകളുടെ ഓഫീസിൽ ചേർന്ന ആഭ്യന്തര പരാതി പരിഹാര കമ്മിറ്റി യോഗം സുതാര്യവും സ്വകാര്യവുമായി നടത്തേണ്ടതായിരുന്നുവെന്നും മാധ്യമങ്ങൾക്ക് മുന്നിൽ യോഗവിവരങ്ങൾ എത്തിയതിലും ഫിലിം ചേംബർ മോണിറ്ററിംഗ് കമ്മിറ്റിയിലെ ഒരു വിഭാഗം എതിർപ്പ് ഉയർത്തിയിട്ടുണ്ട്.

Story Highlights: FEFKA issued a stern warning to Shine Tom Chacko regarding drug use allegations and stated they will take strict action against drug use on film sets.