Father, son attacked in Vadakkanchery; accused arrested

വടക്കാഞ്ചേരിയിൽ അച്ഛനെയും മകനെയും വെട്ടിപ്പരിക്കേൽപ്പിച്ച കേസിലെ പ്രതികളെ പോലീസ് പിടികൂടി. ബുധനാഴ്ച രാത്രി എട്ടുമണിയോടെയാണ് തിരുത്തിക്കാട് കനാൽ പറമ്പിനു സമീപം താമസിക്കുന്ന മോഹനനും മകൻ ശ്യാമിനും വെട്ടേറ്റത്. മോഹനനും മകൻ ശ്യാമും തൃശൂർ മെഡിക്കൽ കോളേജിൽ ചികിത്സയിലാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരുത്തിപറമ്പ് പ്ലാപറമ്പിൽ രതീഷ് എന്ന മണികണ്ഠൻ, അരവൂർ സ്വദേശി ശ്രീജിത്ത് എന്നിവരാണ് അറസ്റ്റിലായത്. പരിക്കേറ്റ മോഹനനും മകൻ ശ്യാമും ഗുരുതരാവസ്ഥയിൽ തൃശൂർ മെഡിക്കൽ കോളേജിൽ ചികിത്സയിലാണെന്ന് പോലീസ് അറിയിച്ചു. നിരവധി ക്രിമിനൽ കേസുകളിൽ പ്രതിയായ രതീഷും ശ്രീജിത്തും മോഹനന്റെ വീട്ടിലെത്തി ശ്യാമിനെ ആക്രമിക്കുകയായിരുന്നു.

ശ്യാമിനെ വെട്ടാൻ ശ്രമിച്ചത് തടുക്കുന്നതിനിടെയാണ് അച്ഛൻ മോഹനനും വെട്ടേറ്റത്. വെട്ടേറ്റ മോഹനനും പ്രതി രതീഷും മുൻപ് അയൽവാസികളായിരുന്നു. ഇരുവർക്കുമിടയിൽ നിലനിന്നിരുന്ന തർക്കമാണ് ആക്രമണത്തിന് കാരണമെന്ന് പോലീസ് പറയുന്നു.

വീട് നിർമ്മാണത്തിന്റെ ഭാഗമായി മോഹനൻ കുടുംബവുമായി മറ്റൊരു സ്ഥലത്താണ് താമസിക്കുന്നത്. പോലീസിന്റെ ഗുണ്ടാ ലിസ്റ്റിൽ ഉൾപ്പെട്ട ആളാണ് വടക്കാഞ്ചേരി സ്വദേശിയായ രതീഷ്. തൃശ്ശൂർ പൂമലയിൽ നിന്നാണ് പ്രതികളെ പോലീസ് പിടികൂടിയത്.

കെ.ജെ. ഷൈനെതിരായ അധിക്ഷേപം; അന്വേഷണത്തിന് പ്രത്യേക സംഘം

വടക്കാഞ്ചേരി പോലീസ് കേസ് അന്വേഷണം ആരംഭിച്ചിട്ടുണ്ട്. രതീഷിനെതിരെ നിരവധി ക്രിമിനൽ കേസുകൾ നിലവിലുണ്ടെന്ന് പോലീസ് വ്യക്തമാക്കി.

Story Highlights: Two men were arrested in Vadakkanchery for allegedly attacking a father and son.

ലഡാക്കിൽ സംഘർഷം; സാമൂഹിക പ്രവർത്തകൻ സോനം വാങ് ചുക് അറസ്റ്റിൽ