തിരുവനന്തപുരം പാളയത്തുള്ള യൂണിവേഴ്സിറ്റി ബോയ്സ് ഹോസ്റ്റലിൽ എക്സൈസ് വകുപ്പ് നടത്തിയ മിന്നൽ പരിശോധനയിൽ 20 ഗ്രാം കഞ്ചാവ് പിടികൂടി. രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധനയെന്ന് തിരുവനന്തപുരം റെയിഞ്ച് മണ്ണന്തല എക്സൈസ് ഇൻസ്പെക്ടർ ഹരികൃഷ്ണൻ അറിയിച്ചു. ഹോസ്റ്റലിലെ 455 എന്ന നമ്പർ മുറിയിൽ നിന്നാണ് കഞ്ചാവ് കണ്ടെടുത്തത്.
പുസ്തകങ്ങൾ വെക്കുന്ന ഷെൽഫിൽ പേപ്പറിൽ പൊതിഞ്ഞ നിലയിലായിരുന്നു കഞ്ചാവ് സൂക്ഷിച്ചിരുന്നത്. എംഡിഎംഎയും കഞ്ചാവും ഹോസ്റ്റലിൽ ഉണ്ടെന്ന രഹസ്യ വിവരത്തിന്റെ അടിസ്ഥാനത്തിൽ ഇന്ന് രാവിലെയാണ് പരിശോധന നടത്തിയത്. എന്നാൽ എംഡിഎംഎ കണ്ടെത്താനായില്ലെന്ന് എക്സൈസ് വകുപ്പ് അറിയിച്ചു.
പരിശോധന നടക്കുമ്പോൾ മുറിയുടെ വാതിൽ തുറന്ന നിലയിലായിരുന്നുവെന്നും തമിഴ്നാട് സ്വദേശിയായ വിദ്യാർഥിയുടെ മുറിയാണിതെന്നും എക്സൈസ് ഇൻസ്പെക്ടർ ഹരികൃഷ്ണൻ വ്യക്തമാക്കി. മുറിയിൽ ഉണ്ടായിരുന്നവർ രാവിലെ തന്നെ മുറി ഒഴിഞ്ഞു പോയിരുന്നു. നിലവിൽ ആരെയും കസ്റ്റഡിയിൽ എടുത്തിട്ടില്ല.
ഹോസ്റ്റലിലെ നിരവധി മുറികൾ പരിശോധിച്ചതായും യൂണിവേഴ്സിറ്റി ഹോസ്റ്റൽ അധികൃതർക്ക് വിവരങ്ങൾ ആവശ്യപ്പെട്ട് നോട്ടീസ് നൽകുമെന്നും എക്സൈസ് ഇൻസ്പെക്ടർ കൂട്ടിച്ചേർത്തു. കേരള സർവകലാശാലക്ക് കീഴിൽ പഠിക്കുന്ന വിദ്യാർഥികൾ താമസിക്കുന്ന ഹോസ്റ്റലിൽ 70 ലധികം മുറികളാണുള്ളത്.
ക്യാമ്പസിൽ പഠിക്കുന്ന വിദ്യാർഥികൾക്ക് പുറമെ മുൻ വിദ്യാർഥികളും ഇവിടെ താമസിക്കാറുണ്ട്. കളമശ്ശേരി ഗവ. പോളിടെക്നിക് ഹോസ്റ്റലിൽ നിന്ന് കഞ്ചാവ് പിടിച്ചെടുത്ത സംഭവത്തിന് പിന്നാലെയാണ് തലസ്ഥാനത്തെ കോളേജ് ഹോസ്റ്റലിലും എക്സൈസ് പരിശോധനയിൽ കഞ്ചാവ് പിടിച്ചെടുത്തത്.
എന്നാൽ, റെയ്ഡ് നടന്ന ഹോസ്റ്റൽ യൂണിവേഴ്സിറ്റിക്ക് കീഴിൽ വരുന്നതല്ലെന്നും കേരള സർക്കാരിന്റെ കീഴിലാണെന്നും കേരള സർവകലാശാല വിസി മോഹനൻ കുന്നുമ്മേൽ പറഞ്ഞു. എല്ലാ ഹോസ്റ്റലുകളിലും റെയ്ഡ് നടത്തേണ്ടതുണ്ടെന്നും മയക്കുമരുന്നിൽ ക്ലീൻ ആണ് എന്ന് കണ്ടെത്തണമെന്നും അദ്ദേഹം പറഞ്ഞു. ഇനി യൂണിവേഴ്സിറ്റിയിൽ പഠിക്കണമെങ്കിൽ മയക്കുമരുന്ന് ഉപയോഗിക്കില്ല എന്ന സത്യവാങ്മൂലം നൽകണമെന്നും വിസി പ്രതികരിച്ചു.
പരിശോധന പൂർത്തിയാക്കി എക്സൈസ് സംഘം മാധ്യമങ്ങൾക്ക് മുന്നിൽ മുഖം തരാതെയാണ് മറ്റൊരുവഴിയിലൂടെ പുറത്തേക്ക് പോയിരുന്നത്.
Story Highlights: Excise officials seized 20 grams of cannabis from a boys’ hostel in Thiruvananthapuram during a raid.
തിരുവനന്തപുരത്ത് ലഹരിമരുന്നുമായി നാലുപേർ പിടിയിലായി. ആലപ്പുഴയിൽ രണ്ട് കോടി രൂപ വിലമതിക്കുന്ന ഹൈബ്രിഡ് Read more
ഐബി ഉദ്യോഗസ്ഥ മേഘയുടെ മരണത്തിൽ സുഹൃത്ത് സുകാന്തിനെതിരെ ലുക്ക്ഔട്ട് നോട്ടീസ്. മൂന്നര ലക്ഷം Read more
കേരള സർവകലാശാല മെൻസ് ഹോസ്റ്റലിൽ എക്സൈസ് റെയ്ഡിൽ 20 ഗ്രാം കഞ്ചാവ് പിടിച്ചെടുത്തു. Read more
തിരുവനന്തപുരം യൂണിവേഴ്സിറ്റി കോളേജ് ബോയ്സ് ഹോസ്റ്റലിൽ എക്സൈസ് പരിശോധന നടത്തി. ആളില്ലാതിരുന്ന മുറിയിൽ Read more
ഐബി ഉദ്യോഗസ്ഥ മേഘയുടെ മരണത്തിൽ ഒളിവിൽ കഴിയുന്ന സുഹൃത്ത് സുകാന്ത് സുരേഷിന്റെ ബന്ധുവീട്ടിൽ Read more
തിരുവനന്തപുരം സെന്റ് ആൻഡ്രൂസ് ബീച്ചിനു സമീപം നിയന്ത്രണം വിട്ട ഓട്ടോറിക്ഷ ഇടിച്ച് കാൽനടയാത്രക്കാരൻ Read more
തിരുവനന്തപുരം വിഴിഞ്ഞം ടൗൺഷിപ്പിൽ നിന്നും എംഡിഎംഎയുമായി യുവാവ് അറസ്റ്റിൽ. ഓപ്പറേഷൻ ഡി ഹണ്ടിന്റെ Read more
വിതുരയിൽ നടന്ന കാർ-സ്കൂട്ടർ കൂട്ടിയിടിയിൽ പ്ലസ് വൺ വിദ്യാർത്ഥി മുഹമ്മദ് നായിഫ് (17) Read more
ട്രെയിനിന് മുന്നിൽ ചാടി മരിച്ച ഐ.ബി. ഉദ്യോഗസ്ഥ മേഘയുടെ മരണവുമായി ബന്ധപ്പെട്ട് സുഹൃത്ത് Read more
തിരുവനന്തപുരത്ത് ആശാ വർക്കർമാരുടെ സമരം 48-ാം ദിവസത്തിലേക്ക് കടന്നു. ആരോഗ്യസ്ഥിതി മോശമായതിനെ തുടർന്ന് Read more
Related posts:
പാട്ടുപാടുന്ന പോലീസ് ഉദ്യോഗസ്ഥയുടെ വീഡിയോ വൈറൽ
ഐശ്വര്യ റായിയുടെ കാറിന് പിന്നിൽ ബസ് ഇടിച്ചു
വീണ വിജയന് ഐക്യദാർഢ്യവുമായി ആര്യ രാജേന്ദ്രൻ
പൃഥ്വിരാജിനെ കണ്ടതിന്റെ സന്തോഷം പങ്കുവച്ച് അഹാന കൃഷ്ണ
എമ്പുരാൻ ടിക്കറ്റ് ബുക്കിംഗ്: റെക്കോർഡ് വേഗത്തിൽ വിറ്റുതീർന്നു
സാനിയ-റംസാൻ കൂട്ടുകെട്ടിലെ ‘പീലിങ്സ്’ നൃത്തം വൈറൽ
ബൈക്കിൽ കറങ്ങി നടന്ന് എംഡിഎംഎ വിൽപന; കഴക്കൂട്ടത്ത് യുവാവ് അറസ്റ്റിൽ
മുൻ കാമുകിയുമായുള്ള ചിത്രം ഫോണിൽ കണ്ടു; ഭർത്താവിന്റെ സ്വകാര്യ ഭാഗത്ത് തിളച്ച എണ്ണ ഒഴിച്ച് പക വീട്ടൽ
