Excise Probes Drug Case Against Kerala MLA's Son After Complaint

യു. പ്രതിഭ എംഎൽഎയുടെ മകനെതിരെയുള്ള കഞ്ചാവ് കേസിൽ പുതിയ വഴിത്തിരിവ്. എംഎൽഎയുടെ പരാതിയിൽ എക്സൈസ് വകുപ്പ് അന്വേഷണം ആരംഭിച്ചു. ആലപ്പുഴ എക്സൈസ് അസിസ്റ്റന്റ് കമ്മീഷണർ അശോക് കുമാറിനാണ് അന്വേഷണ ചുമതല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ നവംബറിലാണ് യു. പ്രതിഭ എംഎൽഎയുടെ മകൻ ഉൾപ്പെടെ ഒമ്പത് പേർക്കെതിരെ കഞ്ചാവ് കേസ് രജിസ്റ്റർ ചെയ്തത്. എന്നാൽ, തന്റെ മകനെതിരെ ചുമത്തിയത് കള്ളക്കേസാണെന്നാണ് യു. പ്രതിഭ എംഎൽഎയുടെ വാദം.

ഈ വിഷയത്തിൽ സിപിഐഎം നേതൃത്വത്തിനും മുഖ്യമന്ത്രിക്കും എക്സൈസ് വകുപ്പ് മന്ത്രിക്കും പരാതി നൽകിയിരുന്നു. കേസിൽ ഉൾപ്പെട്ട ഉദ്യോഗസ്ഥരുടെയും ഒമ്പത് പ്രതികളുടെയും യു. പ്രതിഭ എംഎൽഎയുടെയും മൊഴികൾ അന്വേഷണ ഉദ്യോഗസ്ഥൻ രേഖപ്പെടുത്തും. കേസുമായി ബന്ധപ്പെട്ട് കുട്ടനാട് എക്സൈസ് സിഐ ജയരാജ്, റേഞ്ച് ഇൻസ്പെക്ടർ അനിൽകുമാർ എന്നിവർ ഈ മാസം അവസാനം തിരുവനന്തപുരത്തെ എക്സൈസ് ആസ്ഥാനത്ത് ഹാജരാകണം.

എക്സൈസ് കമ്മീഷണറാണ് ഇതുസംബന്ധിച്ച നിർദ്ദേശം നൽകിയിരിക്കുന്നത്. പ്രതിഭയുടെ മകനെതിരെ കേസെടുത്തതിന് പിന്നാലെ, വിരമിക്കാൻ അഞ്ച് മാസം മാത്രം ബാക്കി നിൽക്കെ ആലപ്പുഴ എക്സൈസ് ഡെപ്യൂട്ടി കമ്മീഷണറെ സ്ഥലം മാറ്റിയത് വിവാദമായിരുന്നു. ആലപ്പുഴയിൽ ചുമതലയേറ്റ് മൂന്നാം മാസമാണ് കൊല്ലം ജില്ലക്കാരനായ കമ്മീഷണറെ മലപ്പുറത്തേക്ക് സ്ഥലം മാറ്റിയത്. കൂടുതൽ ഉദ്യോഗസ്ഥർക്കെതിരെ നടപടിയുണ്ടാകുമെന്നാണ് സൂചന.

അബ്ദുൽ റഹീം കേസ്: വിധി വീണ്ടും മാറ്റി

യൂത്ത് കോൺഗ്രസ് അടക്കമുള്ള സംഘടനകൾ പ്രതിഭയുടെ മകനിൽ നിന്ന് കൂടുതൽ അളവിൽ കഞ്ചാവ് പിടികൂടിയെന്നും എഫ്ഐആറിൽ കുറഞ്ഞ അളവ് മാത്രമാണ് രേഖപ്പെടുത്തിയതെന്നും ആരോപിക്കുന്നു. കഞ്ചാവ് ഉപയോഗിച്ചതിനും കൈവശം വെച്ചതിനുമാണ് കേസ്.

Story Highlights: Excise Department launches investigation into drug case against U Pratibha MLA’s son following her complaint.

ശ്രീനാഥ് ഭാസിയുടെ മുൻകൂർ ജാമ്യാപേക്ഷ: എക്സൈസിനോട് റിപ്പോർട്ട് തേടി ഹൈക്കോടതി