Jeremy Corbyn wins as independent amid Labour Party landslide

ബ്രിട്ടനിലെ പാർലമെൻ്റ് തെരഞ്ഞെടുപ്പിൽ ലേബർ പാർട്ടി വമ്പിച്ച വിജയം നേടിയെങ്കിലും, സഭയ്ക്കുള്ളിൽ അവർ ഒരു പ്രധാന വെല്ലുവിളി നേരിടുന്നുണ്ട്. മുൻ പ്രധാനമന്ത്രി സ്ഥാനാർത്ഥിയും പിന്നീട് പാർട്ടിയിൽ നിന്ന് പുറത്താക്കപ്പെട്ടയാളുമായ ജെറമി കോർബിൻ, നോർത്ത് ഐലിങ്ടൺ മണ്ഡലത്തിൽ നിന്ന് സ്വതന്ത്ര സ്ഥാനാർത്ഥിയായി വൻ ഭൂരിപക്ഷത്തോടെ വിജയിച്ചു. കോർബിൻ 24,000 വോട്ട് നേടിയപ്പോൾ, ലേബർ പാർട്ടി സ്ഥാനാർത്ഥി പ്രഫുൽ നർഗുണ്ട് 16,000 വോട്ട് മാത്രമാണ് നേടിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നാല് പതിറ്റാണ്ടായി ഈ മണ്ഡലത്തെ പ്രതിനിധീകരിച്ച കോർബിനെ പാർട്ടി കൈവിട്ടെങ്കിലും ജനങ്ങൾ കൈവിട്ടില്ലെന്നാണ് ഫലം സൂചിപ്പിക്കുന്നത്. 2019-ലെ തെരഞ്ഞെടുപ്പിൽ ജൂതവിരുദ്ധ പ്രസ്താവനകൾ നടത്തിയതിന്റെ പേരിലാണ് കോർബിനെ ലേബർ പാർട്ടി പുറത്താക്കിയത്. എന്നാൽ, പാർട്ടിയുടെ കുതിപ്പിനിടയിലും തന്റെ മണ്ഡലത്തിൽ നിന്ന് വീണ്ടും ജയിക്കാൻ കോർബിന് സാധിച്ചു.

മാസപ്പടി കേസ്: വീണ വിജയൻ ഇഡിക്ക് മുന്നിൽ ഹാജരാകേണ്ടിവരുമെന്ന് ഷോൺ ജോർജ്

ഇത് 11-ാം തവണയാണ് അദ്ദേഹം പാർലമെൻ്റംഗമായി തെരഞ്ഞെടുക്കപ്പെടുന്നത്. ലേബർ പാർട്ടി 412 സീറ്റുകളുമായി വൻ വിജയം നേടി അധികാരത്തിലെത്തിയപ്പോൾ, സർ കെയ്ർ സ്റ്റാർമർ പ്രധാനമന്ത്രിയാകും. സ്റ്റാർമർ കോർബിന്റെ നിലപാടുകളെ നിശിതമായി വിമർശിച്ചിരുന്നു.

എന്നാൽ കോർബിൻ തന്റെ നിലപാടുകളിൽ ഉറച്ചുനിന്നു. അതിനാൽ തന്നെ, ഭരണത്തിലെത്തിയ ലേബർ പാർട്ടിക്കും സ്റ്റാർമർക്കും മുന്നിൽ കോർബിൻ ഒരു വെല്ലുവിളിയാകുമെന്ന് ഉറപ്പാണ്.

നികുതി വർധനവും കുടിയേറ്റ നിയന്ത്രണവും: ബ്രിട്ടന്റെ ഭാവി പദ്ധതികൾ വെളിപ്പെടുത്തി പ്രധാനമന്ത്രി