Ernst & Young Chairman to Meet Family of Deceased Employee

ജോലി സമ്മർദ്ദത്തെ തുടർന്ന് യുവ ചാർട്ടേഡ് അക്കൗണ്ടൻ്റ് അന്ന കുഴഞ്ഞ് വീണ് മരിച്ച സംഭവത്തിൽ ഏണസ്റ്റ് ആൻഡ് യംഗ് കമ്പനി ഇടപെടൽ നടത്തി. കമ്പനി ചെയർമാൻ രാജീവ് മെമാനി അന്നയുടെ കുടുംബത്തെ നേരിൽ കാണുമെന്നും കുടുംബം ഉന്നയിച്ച പ്രശ്നങ്ങൾ പരിശോധിക്കുമെന്നും അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അന്നയുടെ മാതാവ് കമ്പനി അധികൃതർക്ക് അയച്ച കത്ത് പുറത്തുവന്നതിനെ തുടർന്ന് കമ്പനിക്കെതിരെ രൂക്ഷവിമർശനം ഉയർന്നിരുന്നു. ഈ സാഹചര്യത്തിലാണ് അനുരഞ്ജന ശ്രമമെന്ന നിലയിൽ ചെയർമാൻ നേരിട്ടെത്തുന്നത്.

അന്നയുടെ കുടുംബത്തോട് ഫോണിൽ സംസാരിച്ച ചെയർമാൻ, കുടുംബം ഉന്നയിച്ച പ്രശ്നങ്ങൾ പരിശോധിക്കുമെന്ന് ഉറപ്പ് നൽകി. സമാന സംഭവങ്ങൾ ആവർത്തിക്കാതിരിക്കാൻ സർക്കാർതലത്തിൽ ഇടപെടൽ വേണമെന്നും ഇനിയൊരാൾക്കും ഈ അവസ്ഥ വരരുതെന്നും അന്നയുടെ പിതാവ് ആവശ്യപ്പെട്ടു.

ഇതിനിടെ മന്ത്രി പി രാജീവും, പ്രതിപക്ഷ നേതാവ് വി ഡി സതീശനും അന്നയുടെ വീട്ടിലെത്തി കുടുംബാംഗങ്ങളെ ആശ്വസിപ്പിച്ചു. വിഷയത്തിൽ കേന്ദ്രം ഇടപെടണമെന്ന് മന്ത്രി പി രാജീവ് ആവശ്യപ്പെട്ടപ്പോൾ, പാർലമെൻ്റിൽ ഉന്നയിക്കുമെന്ന് പ്രതിപക്ഷ നേതാവ് വി ഡി സതീശൻ അറിയിച്ചു.

സംസ്ഥാനത്ത് വീണ്ടും കോളറ മരണം; ആലപ്പുഴ സ്വദേശി രഘു പി.ജി (48) മരിച്ചു

അതേസമയം വിഷയത്തിൽ ഇടപെടുമെന്ന് കേന്ദ്ര സർക്കാർ വ്യക്തമാക്കിയിട്ടുണ്ട്. ഈ സംഭവം കോർപ്പറേറ്റ് മേഖലയിലെ ജോലി സമ്മർദ്ദത്തെക്കുറിച്ചുള്ള ചർച്ചകൾക്ക് വഴിവെച്ചിരിക്കുകയാണ്.

Story Highlights: Ernst and Young chairman to meet family of deceased employee, promises to address issues

കേരളത്തിൽ അടുത്ത 5 ദിവസം കനത്ത മഴയ്ക്ക് സാധ്യത