ചടയന്‍ ഗോവിന്ദന്‍ അനുസ്മരണം: ഇ പി ജയരാജന്‍ പങ്കെടുത്തില്ല, ആരോഗ്യപ്രശ്നം കാരണമെന്ന് വിശദീകരണം

സിപിഐഎം കേന്ദ്ര കമ്മിറ്റിയംഗം ഇ പി ജയരാജന്‍ ചടയന്‍ ഗോവിന്ദന്‍ അനുസ്മരണ പരിപാടിയില്‍ പങ്കെടുത്തില്ല. ആരോഗ്യപ്രശ്നങ്ങള്‍ കാരണമാണ് പങ്കെടുക്കാത്തതെന്ന് ഇ പി വിശദീകരിച്ചു. ആയുര്‍വേദ ചികിത്സ നടക്കുന്നതായും അദ്ദേഹം പാര്‍ട്ടിയെ അറിയിച്ചിരുന്നു. പയ്യാമ്പലത്തെ സ്മൃതി മണ്ഡപത്തിലാണ് പരിപാടി നടന്നത്.

ജില്ലാ കമ്മിറ്റിയുടെ പത്രകുറിപ്പില്‍ പുഷ്പാര്‍ച്ചനയില്‍ പങ്കെടുക്കുമെന്ന് പറഞ്ഞിരുന്നെങ്കിലും ഇ പി പാര്‍ട്ടി പരിപാടിയില്‍ പങ്കെടുത്തില്ല. എല്‍ഡിഎഫ് കണ്‍വീനര്‍ സ്ഥാനത്ത് നിന്ന് നീക്കിയതിന് ശേഷം ഇ പി കടുത്ത അതൃപ്തിയിലാണ്. അതിനുശേഷം പാര്‍ട്ടി പരിപാടികളില്‍ പങ്കെടുക്കാനോ മാധ്യമപ്രവര്‍ത്തകരോട് പ്രതികരിക്കാനോ അദ്ദേഹം തയ്യാറായിട്ടില്ല.

ആരോഗ്യപ്രശ്നങ്ങള്‍ ചൂണ്ടിക്കാട്ടി മാധ്യമപ്രവര്‍ത്തകരെ ഒഴിവാക്കിയ ഇ പി, എന്തെങ്കിലും പറയാനുണ്ടെങ്കില്‍ അറിയിക്കാമെന്നും പറഞ്ഞിരുന്നു. ഇപ്പോഴത്തെ സാഹചര്യത്തില്‍ പാര്‍ട്ടി പരിപാടികളില്‍ നിന്ന് വിട്ടുനില്‍ക്കുന്ന നിലപാടാണ് ഇ പി സ്വീകരിച്ചിരിക്കുന്നത്. ഇതിനെക്കുറിച്ച് പാര്‍ട്ടി നേതൃത്വം എന്ത് നിലപാട് സ്വീകരിക്കുമെന്ന് കാത്തിരിക്കേണ്ടിയിരിക്കുന്നു.

Story Highlights: EP Jayarajan skips Chadayan Govindan memorial event citing health issues