DC Books Responds to EP Jayarajan Autobiography Controversy

ഡിസി ബുക്സ് ഇപി ജയരാജന്റെ ആത്മകഥയുമായി ബന്ധപ്പെട്ട് കരാർ ഇല്ലെന്ന വാർത്തകൾ തള്ളിക്കളഞ്ഞു. മാധ്യമങ്ങളിൽ പ്രചരിച്ച വാർത്തകൾ അടിസ്ഥാനരഹിതമാണെന്നും ആശയക്കുഴപ്പം സൃഷ്ടിക്കുന്നുവെന്നും ഡിസി ബുക്സ് വ്യക്തമാക്കി. പുസ്തകങ്ങൾ പ്രസിദ്ധീകരിക്കുന്നത് നടപടിക്രമങ്ങൾ പാലിച്ചാണെന്നും, അന്വേഷണം നടക്കുന്ന ഘട്ടത്തിൽ അഭിപ്രായപ്രകടനം അനുചിതമാണെന്നും അവർ കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജയരാജന്റെ പുസ്തക വിവാദത്തിൽ പൊലീസ് നേരത്തെ മൊഴി രേഖപ്പെടുത്തിയിരുന്നു. കോട്ടയത്തുനിന്നെത്തിയ പൊലീസ് സംഘം കണ്ണൂർ കീച്ചേരിയിലെ ജയരാജന്റെ വീട്ടിലെത്തിയാണ് മൊഴിയെടുത്തത്. ഡിസി ബുക്സ് പുറത്തുവിട്ട പരസ്യവും പുസ്തകത്തിലെ ഉള്ളടക്കവും ഇ.പി ജയരാജന് തള്ളിയിരുന്നു. എഴുതിക്കൊണ്ടിരിക്കുന്ന ആത്മകഥ ആരെയും പ്രസിദ്ധീകരിക്കാൻ ഏൽപിച്ചിട്ടില്ലെന്നും ഡിസിയുമായി കരാറില്ലെന്നും അദ്ദേഹം വ്യക്തമാക്കി.

തെരഞ്ഞെടുപ്പ് ദിവസം പുസ്തകം പുറത്തുപോയതുൾപ്പെടെയുള്ള സംഭവത്തിനു പിന്നിൽ ഗൂഢാലോചനയുണ്ടെന്ന് ആരോപിച്ച് ജയരാജൻ ഡിജിപിക്ക് പരാതി നൽകിയിരുന്നു. ഈ പരാതിയിലാണ് ഇപ്പോൾ മൊഴിയെടുത്തിരിക്കുന്നത്. ഡിസി ബുക്സിന്റെ വിശദീകരണം ജയരാജന്റെ മൊഴി നൽകിയ ശേഷമാണ് വന്നത്.

മുഖ്യമന്ത്രി പലസ്തീനെ കൂട്ടുപിടിക്കുന്നു; വി.ഡി. സതീശന്റെ വിമർശനം

Story Highlights: DC Books denies reports of no contract for EP Jayarajan’s autobiography, calls for investigation