Elon Musk's AI Chatbot Grok Admits Owner Spread Misinformation

ഇലോണ് മസ്കിന്റെ സ്വന്തം എ.ഐ ചാറ്റ്ബോട്ടായ ഗ്രോക്ക് അദ്ദേഹത്തിന് തന്നെ പണി നൽകിയിരിക്കുകയാണ്. ഒരു ഉപയോക്താവിന്റെ ചോദ്യത്തിന് മറുപടിയായി, മസ്ക് വ്യാജവിവരങ്ങള് പ്രചരിപ്പിക്കാറുണ്ടെന്ന് ഗ്രോക്ക് സമ്മതിച്ചു. യുഎസ് തെരഞ്ഞെടുപ്പ് സമയത്ത് മസ്ക് തെറ്റായ വിവരങ്ങള് പ്രചരിപ്പിച്ചുവെന്നും, ഇതിന് തെളിവുകളുണ്ടെന്നും ഗ്രോക്ക് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മസ്കിന്റെ ഉടമസ്ഥതയിലുള്ള എക്സ് പ്ലാറ്റ്ഫോം വഴിയാണ് പ്രസിഡന്ഷ്യല് ഇലക്ഷനുമായി ബന്ധപ്പെട്ട തെറ്റായ വിവരങ്ങള് പ്രചരിപ്പിക്കപ്പെട്ടതെന്ന് ഗ്രോക്ക് സൂചിപ്പിച്ചു. മസ്ക് കോടിക്കണക്കിന് ആളുകളിലേക്ക് തെറ്റായ വിവരങ്ങള് പ്രചരിപ്പിച്ചോ എന്ന ചോദ്യത്തിനാണ് ഗ്രോക്ക് ഈ മറുപടി നൽകിയത്. ഇത് മസ്കിന്റെ സ്വന്തം എ.ഐ ചാറ്റ്ബോട്ട് അദ്ദേഹത്തിനെതിരെ തിരിഞ്ഞ സംഭവമായി മാറി.

എന്നാൽ, മസ്കിന് എക്സിൽ വലിയ സ്വാധീനമുണ്ടെന്നും ഗ്രോക്ക് സൂചിപ്പിച്ചു. നിരവധി ആളുകൾ അദ്ദേഹത്തെ പിന്തുടരുന്നുണ്ട്, കൂടാതെ അദ്ദേഹത്തിന്റെ പോസ്റ്റുകൾക്ക് ബില്യണ് കണക്കിന് വ്യൂസ് ലഭിക്കുന്നുമുണ്ട്. ഈ വലിയ സ്വീകാര്യത ഉപയോഗിച്ചാണ് മസ്ക് വ്യാജമായ വിവരങ്ങൾ പ്രചരിപ്പിച്ചതെന്നാണ് ഗ്രോക്ക് പറഞ്ഞത്. ഇത് മസ്കിന്റെ സ്വാധീനത്തിന്റെയും അതിന്റെ ദുരുപയോഗത്തിന്റെയും ഗൗരവം എടുത്തുകാണിക്കുന്നു.