അടുത്തിടെ സമൂഹ മാധ്യമങ്ങളിലെ നിറ സാന്നിധ്യമായിരുന്നു ‘ഈ ബുൾ ജറ്റ്‌ ‘ സഹോദരങ്ങൾ. ഇന്ത്യ മുഴുവൻ സഞ്ചരിച്ച് യാത്രാ വ്ലോഗ് ചെയ്യുന്ന ഇ ബുള്‍ ജെറ്റ് സഹോദരങ്ങൾക്ക് ലക്ഷക്കണക്കിന് ആരാധകരാണുള്ളത്.
വ്ലോഗർമാരായ ഇവർ തങ്ങളുടെ ‘നെപ്പോളിയൻ’ എന്ന വാഹനത്തിൽ രൂപമാറ്റം വരുത്തിയതുമായി ബന്ധപ്പെട്ട് ഇവരുടെ വാൻ കണ്ണൂർ ആർടിഒ ഉദ്യോഗസ്ഥ‍ർ കസ്റ്റഡിയിലെടുത്തിരുന്നു.
വാഹനത്തിനായി കണ്ണൂർ ആർ.ടി. ഓഫീസിലെത്തിയ ഇവർ അതിക്രമം കാണിക്കുകയും ഉദ്യോഗസ്ഥരെ ഭീഷണിപ്പെടുത്തുകയും ചെയ്തതിനെ തുടർന്ന്
വ്ളോഗർമാരായ ലിബിൻ, എബിൻ എന്നീ സഹോദരങ്ങളെ പോലീസ് അറസ്റ്റ് ചെയ്യുകയുണ്ടായി.
എന്നാലിപ്പോൾ, തങ്ങളുടെ ജീവിതം സിനിമയാക്കാൻ ആഗ്രഹിക്കുന്നുവെന്ന സോഷ്യൽ മീഡിയ പോസ്റ്റുമായി രംഗത്തെത്തിയിരിക്കുകയാണ് ‘ഈ ബുൾ ജറ്റ്‌ ‘ സഹോദരങ്ങൾ. “ഞങ്ങളുടെ ജീവിതം സിനിമ ആക്കാൻ ഒരു ആഗ്രഹം ഉണ്ട്….താൽപ്പര്യമുള്ളവർ ബന്ധപ്പെടുക ” എന്ന അടിക്കുറിപ്പോടെ പോലീസ് സാന്നിധ്യത്തിലുള്ള തങ്ങളുടെ ചിത്രമാണ് സോഷ്യൽ മീഡിയയിലൂടെ ‘ഈ ബുൾ ജറ്റ്‌ ‘ സഹോദരങ്ങൾ പങ്കുവച്ചിരിക്കുന്നത്.
Story highlight: ‘E Bull Jet ‘ brothers want to make their life a movie.
