കേരളത്തിൽ എല്ലാ മാസവും ഒന്നാം തീയതി ആചരിച്ചുവരുന്ന ഡ്രൈ ഡേ മാറ്റമില്ലാതെ തുടരാൻ സിപിഐഎം സംസ്ഥാന സെക്രട്ടറിയേറ്റ് തീരുമാനിച്ചു. ടൂറിസം മേഖലയിലെ വളർച്ച പരിഗണിച്ച് ഡ്രൈ ഡേ ഒഴിവാക്കാൻ നേരത്തെ ആലോചനകൾ നടന്നിരുന്നെങ്കിലും, മദ്യനയം സംബന്ധിച്ച ചർച്ചകൾക്കൊടുവിലാണ് ഈ തീരുമാനം കൈക്കൊണ്ടത്.
ബാർ ഉടമകൾ ഡ്രൈ ഡേ ഒഴിവാക്കണമെന്ന് ആവശ്യപ്പെട്ടിരുന്നു. അല്ലാത്തപക്ഷം വലിയ സാമ്പത്തിക പ്രതിസന്ധിയിലേക്ക് തള്ളിവീഴുമെന്നായിരുന്നു അവരുടെ വാദം. എന്നാൽ ഈ ആവശ്യം സിപിഐഎം അംഗീകരിച്ചില്ല. അതേസമയം, മൈസ് ടൂറിസം പ്രോത്സാഹിപ്പിക്കാനും പാർട്ടി തീരുമാനമെടുത്തിട്ടുണ്ട്.
വലിയ തോതിലുള്ള മീറ്റിംഗുകൾ, കോൺഫറൻസുകൾ, സെമിനാറുകൾ എന്നിവയ്ക്കായി ആളുകളെ ഒരുമിച്ച് കൊണ്ടുവരുന്നതിനെയാണ് മൈസ് ടൂറിസം കൊണ്ട് ഉദ്ദേശിക്കുന്നത്. ഇത്തരം സംഗമങ്ങൾക്ക് ഡ്രൈ ഡേ ബാധകമായിരിക്കില്ല. എന്നാൽ ഇതിനായി 15 ദിവസം മുൻപ് പ്രത്യേക അനുമതി വാങ്ങേണ്ടതുണ്ട്.
Story Highlights: Kerala to continue dry day on first of every month, promotes MICE tourism
