മദ്യലഹരിയിൽ ഇൻഫോപാർക്ക് എസ്.ഐ ശ്രീജിത്ത് ഓടിച്ചിരുന്ന കാർ അപകടത്തിൽപ്പെട്ടു. ഇന്ന് രാത്രി 7.30 ന് ബ്രഹ്മപുരം പാലത്തിലായിരുന്നു സംഭവം. ഇൻഫോ പാർക്ക് ജീവനക്കാരൻ രാകേഷിന് പരിക്കേറ്റു. പരിക്കേറ്റ രാകേഷ് സ്പെഷ്യലിസ്റ്റ് ആശുപത്രിയിൽ ചികിത്സയിലാണ്.
ബൈക്കിൽ ഇടിച്ച ശേഷം മറ്റൊരു കാറിലും ഇടിച്ചാണ് എസ്.ഐ ഓടിച്ചിരുന്ന വാഹനം നിന്നത്. അപകട സ്ഥലത്തെത്തിയവർ പറയുന്നതനുസരിച്ച്, എസ്ഐ പൂർണമായി മദ്യലഹരിയിലായിരുന്നു. നിൽക്കാൻ പോലും കഴിയാത്ത അവസ്ഥയിലായിരുന്നു എസ്ഐ.
ഇൻഫോപാർക്ക് പൊലീസ് സംഭവ സ്ഥലത്തെത്തി എസ്ഐയെ ജീപ്പിൽ കയറ്റി സ്റ്റേഷനിലേക്ക് കൊണ്ടുപോയി. എന്നാൽ, പൊലീസ് വൈദ്യ പരിശോധന ഉൾപ്പെടെയുള്ള നടപടികളിലേക്ക് ഇതുവരെ കടന്നിട്ടില്ല. ഈ സംഭവം പൊലീസ് വകുപ്പിന്റെ പ്രതിച്ഛായയെ സാരമായി ബാധിക്കുമെന്ന് വിലയിരുത്തപ്പെടുന്നു.
Story Highlights: Drunk SI’s car crashes, injuring one person in Infopark area
