Drunk man sets fire at Hyderabad petrol pump, disaster averted

ഹൈദരാബാദിലെ പെട്രോൾ പമ്പിൽ ഗുരുതരമായ സംഭവം അരങ്ങേറി. മദ്യപിച്ച് ലക്കുകെട്ട നിലയിൽ എത്തിയ ഒരാൾ പെട്രോൾ പമ്പിൽ തീ കത്തിച്ചു. ശനിയാഴ്ച വൈകുന്നേരം ഏഴു മണിയോടടുപ്പിച്ചാണ് സംഭവം നടന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചീരൻ എന്നയാളാണ് നച്ചാരത്തുള്ള പെട്രോൾ പമ്പിൽ ലൈറ്ററും സിഗരറ്റുമായി എത്തിയത്. പെട്രോൾ പമ്പിലെ ജീവനക്കാരനായ അരുൺ, ചീരനോട് ലൈറ്റർ കത്തിക്കാനുള്ള ധൈര്യമുണ്ടോയെന്ന് ചോദിച്ചു വെല്ലുവിളിച്ചു. സ്കൂട്ടറിൽ പെട്രോൾ നിറയ്ക്കുന്നതിനിടയിലാണ് ഈ സംഭവമുണ്ടായത്.

വെല്ലുവിളി കേട്ടതോടെ ചീരൻ ലൈറ്റർ കത്തിക്കുകയും തീയാളി പടരുകയും ചെയ്തു. സംഭവ സമയത്ത് രണ്ട് ജീവനക്കാരടക്കം 11 പേർ പെട്രോൾ പമ്പിലുണ്ടായിരുന്നു. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്.

തീ പടരുന്നത് കണ്ട് സമീപം നിന്ന സ്ത്രീയും കുഞ്ഞും തലനാരിഴയ്ക്ക് രക്ഷപ്പെട്ടതായി ദൃശ്യങ്ങളിൽ വ്യക്തമാണ്. മറ്റുള്ളവർ ഓടി രക്ഷപ്പെടുകയായിരുന്നു. പമ്പ് ജീവനക്കാരനും മദ്യപിച്ചെത്തിയ ആൾക്കുമെതിരെ പൊലീസ് കേസെടുത്തു.

ഏഴ് മാസത്തെ ഇടവേളക്ക് ശേഷം മമ്മൂട്ടി ഹൈദരാബാദിൽ 'പേട്രിയറ്റ്' ലൊക്കേഷനിൽ എത്തി

ഇരുവരും ബിഹാർ സ്വദേശികളാണ്. വലിയ തിരക്കുള്ള നഗരത്തിലെ പെട്രോൾ പമ്പിൽ ഇത്തരം ഉത്തരവാദിത്തമില്ലാത്ത പ്രവർത്തികൾ ദാരുണമായ സംഭവത്തിലേക്ക് നയിച്ചേനെയെന്നും പ്രതികളെ കോടതിയിൽ ഹാജരാക്കുമെന്നും പൊലീസ് അറിയിച്ചു.

Story Highlights: Drunk man sets fire at petrol pump in Hyderabad, narrowly avoiding disaster

ഏഴ് മാസത്തെ ഇടവേളക്ക് ശേഷം മമ്മൂട്ടി ഹൈദരാബാദിൽ ‘പേട്രിയറ്റ്’ ലൊക്കേഷനിൽ എത്തി