മലയാളത്തിൽ മോഹൻലാലും ഹിന്ദിയിൽ അജയ് ദേവ്ഗണും തകർത്തഭിനയിച്ച ദൃശ്യത്തിന്റെ രണ്ടാം ഭാഗം ദൃശ്യം 2 ഹിന്ദി പതിപ്പിന്റെ ചിത്രീകരണം ഡിസംബറിൽ ആരംഭിക്കും. അഭിഷേക് പതകാണ് ചിത്രം സംവിധാനം ചെയ്യുന്നത്.
ദൃശ്യത്തിന്റെ ആദ്യ ഹിന്ദി പതിപ്പ് ഒരുക്കിയ നിഷികാന്ത് കാമത്ത് കഴിഞ്ഞ വർഷം അന്തരിച്ചിരുന്നു. തുടർന്നാണ് ചിത്രത്തിന്റെ നിർമ്മാതാക്കളിൽ ഒരാളായ അഭിഷേക് പതക് ചിത്രം സംവിധാനം ചെയ്യാൻ തീരുമാനിച്ചത്.
ആദ്യഭാഗത്തിലേതുപോലെ അജയ് ദേവ്ഗൺ, തബു, ശ്രീയ ശരൺ, ഇഷിത ദത്ത എന്നിവരാണ് ദൃശ്യം 2 വിലും അണിനിരക്കുന്നത്. മലയാളത്തിൽ ഒടിടി റിലീസ് ചെയ്ത ദൃശ്യം 2വിന് ഗംഭീര പ്രേക്ഷക പ്രതികരണമാണ് ലഭിച്ചത്.
തുടർന്നാണ് മറ്റു ഭാഷകളിലേക്കും റീമേക്ക് പ്രഖ്യാപിച്ചത്. ജിത്തു ജോസഫ് സംവിധാനം ചെയ്യുന്ന ചിത്രത്തിന്റെ തെലുങ്ക് പതിപ്പിന്റെ ചിത്രീകരണവും പൂർത്തിയായിരുന്നു.
Story Highlights: Drishyam 2 Hindi remake shooting starts in December
