വള്ളം മറിഞ്ഞ് കാണാതായ യുവാവിന്റെ മൃതദേഹം കണ്ടെത്തി.ബുധനാഴ്ച ശക്തമായ കാറ്റിനെ തുടർന്ന് തട്ടാരമ്പലത്തിനു സമീപമുള്ള പുഞ്ചയിൽ ആണ് അപകടം നടന്നത്.
മരിച്ചത് വെണ്മണി താഴം വല്യത്ത് രാജുവിന്‍റെ മകൻ ശ്രീഹരിയാണ് (21).
ആലപ്പുഴയിൽ നിന്നെത്തിയ സ്കൂബ ഡൈവർമാരായ അനിൽകുമാർ, ലോറൻസ് ഫ്രാൻസിസ്, ഉദയകുമാർ, അനീഷ് എന്നിവരും ചെങ്ങന്നൂർ നിലയത്തിലെ സുനിൽ ശങ്കർ മാവേലിക്കര നിലയത്തിലെ അരുൺ ജി നാഥ്, അനിൽകുമാർ എന്നിവരും ചേർന്നാണ് തിരച്ചിൽ നടത്തിയത്.
ബുധനാഴ്ച വൈകിട്ട് വള്ളത്തിൽ സഞ്ചരിക്കുകയായിരുന്ന മൂന്നു യുവാക്കളാണ് അപകടത്തിൽപ്പെട്ടത്.
ഇവർക്കുവേണ്ടി അന്നുതന്നെ തിരച്ചിൽ നടപടികൾ ആരംഭിച്ചെങ്കിലും പ്രതികൂല കാലാവസ്ഥയും ഇരുട്ടും കാരണം തിരച്ചിൽ നിർത്തിവെച്ചു.
വ്യാഴാഴ്ച പുലർച്ചെ പുനരാരംഭിച്ച തിരച്ചിലിന് ജില്ലാ ഫയർ ഓഫീസർ കെആർ അഭിലാഷ് നേതൃത്വം നൽകി.
Story highlight : Dead body of the missing youth found .
