CPIM leader NN Krishnadas faces criticism in party review meeting

സിപിഐഎം സംസ്ഥാന സെക്രട്ടറി എം വി ഗോവിന്ദൻ പങ്കെടുത്ത അവലോകന യോഗത്തിൽ മുതിർന്ന സംസ്ഥാന കമ്മിറ്റി അംഗം എൻ.എൻ കൃഷ്ണദാസിന് കനത്ത വിമർശനം നേരിട്ടു. അനാവശ്യമായ വിവാദങ്ങൾ സൃഷ്ടിക്കുകയാണെന്നും പ്രതികരണങ്ങൾ പ്രചരണ രംഗത്ത് ദോഷമാകുന്നുവെന്നുമാണ് പ്രധാന വിമർശനം. മുന്നണിയും പാർട്ടിയും ഒറ്റകെട്ടായി മുന്നോട്ട് പോകുമ്പോൾ അതിന് വിരുദ്ധമായ സമീപനമാണ് കൃഷ്ണദാസിന്റെ പ്രതികരണങ്ങളിൽ നിന്ന് വരുന്നതെന്നും അത് ദോഷം ചെയ്യുമെന്നും യോഗത്തിൽ ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാന സെക്രട്ടറിയും ജില്ലാ സെക്രട്ടറിയും ശാസന സ്വരത്തിൽ തിരുത്തിയിട്ടും നിലപാട് മാറ്റാൻ എൻ എൻ കൃഷ്ണദാസ് തയ്യാറാകാത്തത് സിപിഐഎമ്മിനെ കൂടുതൽ പ്രതിരോധത്തിലാക്കുകയാണ്. പെട്ടി വിവാദത്തെ തള്ളുന്ന നിലപാട് ആവർത്തിക്കുകയാണ് കൃഷ്ണദാസ്. ചർച്ചയാകേണ്ടത് രാഷ്ട്രീയം തന്നെയാണെന്ന് അദ്ദേഹം ആവർത്തിച്ചു പറയുന്നു.

പെട്ടിയുടെ പുറകെ പോകില്ലെന്നും വികസനമാണ് ചര്ച്ചയാകേണ്ടതെന്നുമായിരുന്നു കഴിഞ്ഞ ദിവസം കൃഷ്ണദാസിന്റെ പ്രതികരണം. രാഷ്ട്രീയമാണ് തിരഞ്ഞെടുപ്പിലെ പ്രശ്നമെന്നും പാവപ്പെട്ട മനുഷ്യന്റെ ജീവിതപ്രശ്നം തിരഞ്ഞെടുപ്പ് സമയത്തല്ലാതെ എപ്പോഴാണ് ചർച്ച ചെയ്യേണ്ടതെന്നും അദ്ദേഹം ചോദിച്ചു. വോട്ട് സമയത്തല്ലേ എല്ലാവരെയും കാണുന്നതെന്നും അപ്പോഴല്ലേ എംഎൽഎയെയും എംപിയെയും കാണുന്നതെന്നും കൃഷ്ണദാസ് ചൂണ്ടിക്കാട്ടി.

കെ.പി.സി.സി പുനഃസംഘടന വൈകും; തീരുമാനം ഓണത്തിന് ശേഷം

Story Highlights: CPIM state committee member NN Krishnadas faces criticism for controversial statements in party review meeting

യൂത്ത് കോൺഗ്രസ് അധ്യക്ഷ സ്ഥാനത്തേക്ക് ആര്? കോൺഗ്രസ്സിൽ ഭിന്നത രൂക്ഷം