തിരുവനന്തപുരം മേയർ ആര്യ രാജേന്ദ്രനെതിരെ സിപിഐഎം ജില്ലാ കമ്മിറ്റിയിൽ കടുത്ത വിമർശനം ഉയർന്നു. മേയറുടെ പെരുമാറ്റം അഹങ്കാരം നിറഞ്ഞതാണെന്നും കെഎസ്ആർടിസി ഡ്രൈവറുമായുള്ള തർക്കം പൊതുജനങ്ങൾക്കിടയിൽ അവമതിപ്പുണ്ടാക്കിയെന്നും യോഗത്തിൽ ആക്ഷേപം ഉയർന്നു. എന്നാൽ, മേയർക്ക് തെറ്റ് തിരുത്താൻ അവസരം നൽകാനും അന്ത്യശാസനം നൽകാനുമാണ് സിപിഐഎം ജില്ലാ നേതൃത്വത്തിന്റെ തീരുമാനം.
ഭരണത്തിലെ വീഴ്ചകൾ അധികാരം നഷ്ടപ്പെടാൻ കാരണമാകുമെന്ന തിരിച്ചറിവിലാണ് പാർട്ടിയുടെ ഇടപെടൽ. മേയർ സ്ഥാനത്തുനിന്ന് മാറ്റിയാൽ രാഷ്ട്രീയ ഭാവിയെ ബാധിക്കുമെന്നും വിലയിരുത്തുന്നു. മന്ത്രി റിയാസ് കടകംപള്ളിയുടെ പ്രവർത്തനങ്ങളെക്കുറിച്ചും യോഗത്തിൽ വിമർശനമുയർന്നു. മുഖ്യമന്ത്രിയുടെ ഓഫീസിനെതിരെയും അതിരൂക്ഷ വിമർശനം ഉണ്ടായി. പാർട്ടി പ്രവർത്തകർക്കും സാധാരണക്കാർക്കും മുഖ്യമന്ത്രിയുടെ ഓഫീസിൽ പ്രവേശനമില്ലെന്ന് അംഗങ്ങൾ ചൂണ്ടിക്കാട്ടി.
