CPIM-Congress Clash in Chelakara Election Campaign: 4 Injured

ചേലക്കര ചെറുതുരുത്തിയിൽ തിരഞ്ഞെടുപ്പ് പ്രചാരണത്തിനിടെ സിപിഐഎം-കോൺഗ്രസ് പ്രവർത്തകർ തമ്മിൽ സംഘർഷമുണ്ടായി. ഇരുവിഭാഗത്തിലെയും നാലുപേർക്ക് പരുക്കേറ്റു. സംഭവത്തെ തുടർന്ന് സിപിഐഎമ്മും കോൺഗ്രസും നഗര മധ്യത്തിൽ പ്രതിഷേധം നടത്തി, അതും സംഘർഷത്തിൽ കലാശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചേലക്കര മണ്ഡലത്തിൽ 28 വർഷമായി വികസന മുരടിപ്പുണ്ടെന്നാരോപിച്ച് യൂത്ത് കോൺഗ്രസ് 28 മിനിറ്റ് തലകുത്തി നിന്നുള്ള പ്രതിഷേധം സംഘടിപ്പിച്ചു. എന്നാൽ, സിപിഐഎം ഭരിക്കുന്ന വള്ളത്തോൾനഗർ പഞ്ചായത്ത് അനുമതിയില്ലെന്ന് പറഞ്ഞ് പരിപാടി തടഞ്ഞു.

ഇതാണ് സംഘർഷത്തിന് കാരണമായത്. യൂത്ത് കോൺഗ്രസ് പ്രവർത്തകരെ പോലീസ് മർദ്ദിച്ചെന്ന ആരോപണത്തെ തുടർന്ന് യുഡിഎഫ് ചെറുതുരുത്തി പോലീസ് സ്റ്റേഷൻ ഉപരോധിച്ചു.

സിപിഐഎമ്മും പ്രതിഷേധവുമായി തെരുവിലിറങ്ങി. പോലീസ് സ്റ്റേഷനു മുന്നിൽ ഇരുവിഭാഗവും വീണ്ടും ഏറ്റുമുട്ടി. പ്രവർത്തകരെ മർദ്ദിച്ച ചെറുതുരുത്തി എസ്എച്ചഓയെ ചുമതലകളിൽ നിന്നും മാറ്റണമെന്ന് യുഡിഎഫ് ആവശ്യപ്പെട്ടു. കുന്നംകുളം എസിപിയുടെ നടപടി എടുക്കുമെന്ന ഉറപ്പിൽ പ്രതിഷേധം അവസാനിപ്പിച്ചു.

കെപിസിസി അധ്യക്ഷസ്ഥാനം: ആൻ്റോ ആൻ്റണിക്ക് കടുത്ത അതൃപ്തി

Story Highlights: CPIM-Congress clash during Chelakara election campaign leads to injuries and protests

സജി ചെറിയാനെ വിമർശിച്ച് ജി. സുധാകരൻ; അറസ്റ്റ് ചെയ്യാൻ പൊലീസ് വരട്ടെ, മുൻകൂർ ജാമ്യമില്ല