പിആര്‍ വിവാദത്തില്‍ മുഖ്യമന്ത്രി പിണറായി വിജയന് പിന്തുണയുമായി സിപിഐഎം കേന്ദ്ര നേതൃത്വം രംഗത്തെത്തി. സര്‍ക്കാരിന് കെയ്‌സണ്‍ പി ആര്‍ ഏജന്‍സിയുമായി യാതൊരു ബന്ധവുമില്ലെന്നും സുബ്രമണ്യന്‍ വ്യക്തിപരമായാണ് ഇടപെട്ടതെന്നും കേന്ദ്ര നേതൃത്വം വ്യക്തമാക്കി. ബിസിനസ് താത്പര്യം മുന്‍നിര്‍ത്തിയാകാം കൈസന്‍ സിഇഒ എത്തിയതെന്നും അവര്‍ അഭിപ്രായപ്പെട്ടു.
മുഖ്യമന്ത്രി വിഷയത്തില്‍ വിശദീകരണം നല്‍കി വ്യക്തത വരുത്തിയതായി കേന്ദ്ര നേതൃത്വം ചൂണ്ടിക്കാട്ടി. വിവാദമുയര്‍ന്നപ്പോള്‍ തന്നെ വിഷയം പരിശോധിച്ചിരുന്നുവെന്നും നേതാക്കള്‍ അറിയിച്ചു. ദി ഹിന്ദുവിന്റെ വിശദീകരണം വന്നതോടെ മുഖ്യമന്ത്രിയുടെ നിലപാട് വ്യക്തമായെന്നും അവര്‍ കൂട്ടിച്ചേര്‍ത്തു.
സുബ്രമണ്യന്‍ വ്യക്തിപരമായാണ് ഈ വിഷയത്തില്‍ ഇടപെട്ട് ദി ഹിന്ദുവിനെയും മുഖ്യമന്ത്രിയെയും ബന്ധപ്പെടുകയും അഭിമുഖം സാധ്യമാക്കുകയും ചെയ്തതെന്ന് കേന്ദ്ര നേതാക്കള്‍ വിശദീകരിച്ചു. കൂട്ടിച്ചേര്‍ക്കപ്പെട്ട വരികളുടെ ഗൗരവം കേന്ദ്ര നേതൃത്വം വിലയിരുത്തിയിട്ടുണ്ട്. പൂര്‍ണമായും മുഖ്യമന്ത്രിയെ പിന്തുണയ്ക്കുന്ന നിലപാടാണ് കേന്ദ്ര നേതൃത്വം സ്വീകരിച്ചിരിക്കുന്നതെന്ന് ഇതോടെ വ്യക്തമായി.
Story Highlights: CPIM central leadership supports Kerala CM Pinarayi Vijayan in PR agency controversy
