CPIM takes action against leader for alleged bribery in Devaswom Board

സിപിഐഎം കടുത്ത നടപടിയുമായി രംഗത്തെത്തിയിരിക്കുകയാണ്. ദേവസ്വം ബോർഡ് നിയമനത്തിന് കോഴ വാങ്ങിയെന്ന പരാതിയിൽ തിരുവല്ല ഏരിയാ കമ്മിറ്റി അംഗം കൊച്ചു പ്രകാശ് ബാബുവിനെതിരെയാണ് നടപടി. തെരഞ്ഞെടുക്കപ്പെട്ട എല്ലാ സ്ഥാനങ്ങളിൽ നിന്നും അദ്ദേഹത്തെ ഒഴിവാക്കുകയും ബ്രാഞ്ചിലേക്ക് തരംതാഴ്ത്തുകയും ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആരോപണങ്ങളിൽ കഴമ്പുണ്ടെന്ന് നേതൃത്വം കണ്ടെത്തിയതിനെ തുടർന്നാണ് ഈ നടപടി. ഇന്ന് ചേർന്ന ഏരിയാ കമ്മിറ്റി യോഗത്തിലാണ് ഈ തീരുമാനമെടുത്തത്. ജില്ലാ സെക്രട്ടറി കെ പി ഉദയഭാനു, സംസ്ഥാന സമിതി അംഗം രാജു എബ്രഹാം തുടങ്ങിയവർ യോഗത്തിൽ പങ്കെടുത്തു.

ഗുരുവായൂർ ദേവസ്വം ബോർഡ് നിയമനത്തിന് കോഴ വാങ്ങിയത് ഉൾപ്പെടെയുള്ള ആരോപണങ്ങളാണ് കൊച്ചു പ്രകാശ് ബാബുവിനെതിരെ ഉയർന്നത്. പാർട്ടി അംഗം തന്നെയാണ് പരാതിയുമായി രംഗത്തെത്തിയത്. രണ്ടര വർഷം മുൻപ് ഗുരുവായൂർ ദേവസ്വം ബോർഡിൽ ക്ലറിക്കൽ പോസ്റ്റിൽ നിയമനം നേടി തരാമെന്ന് പറഞ്ഞ് സിപിഐഎം അംഗം കൂടിയായ ഒരാളുടെ പക്കൽ നിന്ന് പണം വാങ്ങി കബളിപ്പിച്ചതായാണ് ആരോപണം.

മുനമ്പം സമരപ്പന്തലിൽ ആഹ്ലാദം; വഖഫ് ഭേദഗതി ബിൽ ലോക്സഭയിൽ

രണ്ടേ മുക്കാൽ ലക്ഷം രൂപയാണ് കൊച്ചു ബാബു പ്രകാശ് തട്ടിയതെന്നാണ് പരാതി. ഈ സംഭവത്തിൽ പാർട്ടി കർശന നിലപാട് സ്വീകരിച്ചതോടെ മറ്റ് നേതാക്കൾക്കും മുന്നറിയിപ്പായിരിക്കുകയാണ്.

Story Highlights: CPIM takes strict action against Thiruvalla Area Committee member for alleged bribery in Devaswom Board appointment

സിപിഐഎം നേതാവ് എസ് രാജേന്ദ്രൻ എൻഡിഎയിലേക്ക്?