CPI mouthpiece slams ADGP Ajithkumar's Thrissur Pooram report

തൃശൂർ പൂരവുമായി ബന്ധപ്പെട്ട് എഡിജിപി എം ആർ അജിത്കുമാർ സമർപ്പിച്ച റിപ്പോർട്ടിനെ സിപിഐ മുഖപത്രം കടുത്ത വിമർശനത്തിന് വിധേയമാക്കി. ‘കലക്കാതെ കലങ്ങുന്ന നീർച്ചുഴിപോലെയാണ് പൂരമെന്നാണ് അജിത് തമ്പുരാന്റെ കണ്ടുപിടിത്തം’ എന്ന് മുഖപത്രം പരിഹസിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എസ്പിയുടേയും നടത്തിപ്പുകാരുടേയും തലയിൽ പഴിചാരിയുള്ള തട്ടിക്കൂട്ട് റിപ്പോർട്ടാണിതെന്നും എഡിജിപി രംഗത്തുള്ളപ്പോൾ കാര്യങ്ങൾ നിയന്ത്രിക്കുന്നത് വെറുമൊരു എസ്പിയാകുന്നതെങ്ങനെയെന്നും മുഖപത്രം ചോദിച്ചു. ‘ആരും പൂരം കലക്കിയിട്ടില്ലെങ്കിലും കലങ്ങിയെന്നാണ് റിപ്പോർട്ട്’ എന്ന് സിപിഐ മുഖപത്രമായ ജനയുഗത്തിലെ ആക്ഷേപഹാസ്യ പംക്തിയായ ‘വാതില്പ്പഴുതിലൂടെ’ എന്ന കോളത്തില് കുറിച്ചു.

പൂരംകലക്കി സുരേഷ് ഗോപിയെ എങ്ങനെ വിജയിപ്പിക്കാം എന്ന് ഗൂഡാലോചന നടന്നുവെന്നും അജിത് കുമാർ നടത്തുന്ന നീക്കങ്ങൾ വീഡിയോയിൽ കാണാമെന്നും നാണംകെട്ട റിപ്പോർട്ട് തയ്യാറാക്കി സ്വയം കുറ്റവിമുക്തനാവുകയാണെന്നും മുഖപത്രം ആരോപിച്ചു. എന്നാൽ, പൂരം അലങ്കോലപ്പെട്ടതില് ബാഹ്യ ഇടപെടലോ ഗൂഢാലോചനയോ ഉണ്ടായിട്ടില്ലെന്നും ഉത്തരവാദിത്തം അന്നത്തെ കമ്മീഷ്ണറുടെ തലയില്കെട്ടിവെച്ചുമുള്ള റിപ്പോര്ട്ടാണ് എഡിജിപി എം ആർ അജിത്കുമാർ സര്ക്കാരിന് സമര്പ്പിച്ചിട്ടുള്ളത്.

തൃശ്ശൂരിലെ ഇടത് സ്ഥാനാര്ഥിയായിരുന്ന വിഎസ്. സുനില് കുമാറടക്കം പൂരം കലക്കിയതില് ഗൂഢാലോചനയുണ്ടെന്ന് ആവര്ത്തിച്ചുകൊണ്ടിരിക്കുന്ന ഘട്ടത്തിലാണ് സര്ക്കാരിന് മുന്നില് ഇത്തരത്തിലുള്ള അന്വേഷണ റിപ്പോര്ട്ട് വന്നിരിക്കുന്നത്.

മോദി ഇന്ന് ആർഎസ്എസ് ആസ്ഥാനത്ത്; ഗോൾവാൾക്കർ സ്മാരകവും സന്ദർശിക്കും

Story Highlights: CPI mouthpiece criticizes ADGP MR Ajithkumar’s report on Thrissur Pooram, calling it a cover-up attempt

മുനമ്പം സമരപ്പന്തലിൽ ആഹ്ലാദം; വഖഫ് ഭേദഗതി ബിൽ ലോക്സഭയിൽ