എസ്എൻഡിപി നേതൃത്വത്തിനെതിരെ സിപിഐഎം നേതാവ് പുത്തലത്ത് ദിനേശൻ രൂക്ഷ വിമർശനം ഉന്നയിച്ചു. എസ്എൻഡിപി അതിന്റെ മൗലിക ദർശനങ്ങളിൽ നിന്ന് വ്യതിചലിച്ച് സംഘപരിവാറിന്റെ അജണ്ടകൾക്ക് വഴങ്ങിയെന്ന് അദ്ദേഹം ആരോപിച്ചു. നവോത്ഥാന മൂല്യങ്ങളെ തകർത്ത് എസ്എൻഡിപിയെ സംഘപരിവാറിന്റെ പാളയത്തിലേക്ക് നയിക്കാനുള്ള ശ്രമങ്ങൾ നടക്കുന്നതായും പുത്തലത്ത് ദിനേശൻ ചൂണ്ടിക്കാട്ടി.
ആലപ്പുഴയിൽ നടന്ന പികെ ചന്ദ്രാനന്ദൻ അനുസ്മരണ പരിപാടിയിലാണ് പുത്തലത്ത് ദിനേശൻ ഈ വിമർശനങ്ങൾ ഉന്നയിച്ചത്. ലോക്സഭാ തെരഞ്ഞെടുപ്പിൽ ആലപ്പുഴയിൽ ഇടതുപക്ഷത്തിന് വോട്ട് കുറഞ്ഞതിനും പല മണ്ഡലങ്ങളിലും ഇടതുപക്ഷ സ്ഥാനാർത്ഥികൾ മൂന്നാം സ്ഥാനത്തേക്ക് പോയതിനും എസ്എൻഡിപി നേതൃത്വത്തിന് ഉത്തരവാദിത്തമുണ്ടെന്നും അദ്ദേഹം പറഞ്ഞു. ലോക്സഭാ തെരഞ്ഞെടുപ്പിന് ശേഷം സംസ്ഥാന നേതൃത്വം എസ്എൻഡിപിക്കെതിരെ നിലപാട് കടുപ്പിച്ചിരുന്നെങ്കിലും ജി സുധാകരൻ ഉൾപ്പെടെയുള്ളവർ വെള്ളാപ്പള്ളി നടേശനെ പിന്തുണച്ച് രംഗത്തെത്തിയിരുന്നു.
