CPI mouthpiece criticizes ADGP over Thrissur Pooram report delay

എഡിജിപി എംആര് അജിത് കുമാറിനെതിരെ സി. പി. ഐ മുഖപത്രമായ ജനയുഗം വീണ്ടും വിമര്ശനവുമായി രംഗത്തെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തൃശൂര് പൂരവുമായി ബന്ധപ്പെട്ട അന്വേഷണ റിപ്പോര്ട്ട് സമയബന്ധിതമായി സമര്പ്പിക്കാതിരുന്നതില് ബോധപൂര്വ്വമായ ശ്രമം നടന്നുവെന്ന് സംശയിക്കുന്നതായി ലേഖനത്തില് പറയുന്നു. ക്രമസമാധാന ചുമതലയുള്ള എഡിജിപി സംഭവസ്ഥലത്തുണ്ടായിട്ടും ഇടപെടാതിരുന്നതില് ദുരൂഹതയുണ്ടെന്നും വിമര്ശിക്കുന്നു. റവന്യു മന്ത്രിയുടെ യാത്രാ സൗകര്യം നിഷേധിച്ചപ്പോള് സുരേഷ് ഗോപിക്ക് വഴിയൊരുങ്ങിയതും, സേവാഭാരതിയുടെ ആംബുലന്സില് അദ്ദേഹം എത്തിയതും ദുരൂഹമാണെന്ന് ലേഖനം ചൂണ്ടിക്കാട്ടുന്നു.

അന്വേഷണ റിപ്പോര്ട്ട് അനിശ്ചിതമായി വൈകിയതിലും ദുരൂഹതയുണ്ടെന്നാണ് ആരോപണം. ക്രമസമാധാന പാലനത്തിലെ അനുഭവ സമ്പത്ത് പ്രശ്ന പരിഹാരത്തിന് ഉപയോഗിക്കാതിരുന്നതും വിമര്ശന വിഷയമാണ്. അതേസമയം, സമസ്ത മുഖപത്രമായ സുപ്രഭാതം മുഖ്യമന്ത്രിയെ വിമര്ശിച്ച് രംഗത്തെത്തി.

എഡിജിപി – ആര്എസ്എസ് കൂടിക്കാഴ്ചയില് മുഖ്യമന്ത്രി ഇരപിടിയന്മാര്ക്ക് ഒപ്പമാണെന്ന് സുപ്രഭാതത്തില് ലേഖനമുണ്ട്. ആരോപണവിധേയരെ ചേര്ത്ത് നിര്ത്തുന്നത് എല്ഡിഎഫിനെ പ്രതിസന്ധിയിലാക്കിയെന്നും വിമര്ശിക്കുന്നു. പിണറായി വിജയന്റെ രാജി ആവശ്യപ്പെട്ട് കോണ്ഗ്രസ് ബ്ളോക്ക് കമ്മിറ്റികള് സംസ്ഥാന വ്യാപകമായി പ്രതിഷേധ കൂട്ടായ്മ സംഘടിപ്പിക്കുമെന്നും റിപ്പോര്ട്ടില് പറയുന്നു.

മാസപ്പടി കേസ്: വീണാ വിജയനെതിരെ കുറ്റപത്രം; മുഖ്യമന്ത്രി രാജിവയ്ക്കണമെന്ന് ഷോൺ ജോർജ്

Story Highlights: CPI mouthpiece Janayugam criticizes ADGP MR Ajith Kumar over Thrissur Pooram investigation report delay and alleged RSS connections

പുതിയ ക്രൈസ്തവ പാർട്ടി വേണ്ട; ഐക്യം പ്രധാനമെന്ന് പാലാ രൂപത